Imerkesjongerfûgels

De imerkesjongerfûgels (Locustellidae), ek wol imerkes, strûksjongerfûgels of sprinkhoansjongerfûgels neamd, foarmje in famylje yn it skift fan de moskeftigen. Foarhinne waarden de imerkesjongers ta de grutte famylje fan de sjongers (Sylviidae) rekkene. As synonym foar Locustellidae wurdt ek wol Megaluridae brûkt. De 68 soarten imerkesjongers komme yn Jeropa, Aazje, Austraalje en Afrika foar, mei it swiertepunt yn Midden- en Súdeast-Aazje. De imerkesjongers binne lytse ûnopfallende brúneftige fûgeltsjes fan 12-20 cm, dy 't meast yn strûken of sompen tahâlde. De bekendste soarten yn Fryslân binne it reidimerke en de snilekrûper.

Imerkesjongerfûgels
reidimerke (Locustella naevia).
Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
skift:	moskeftigen (Passeriformes)
ûnderskift:	sjongfûgels (Passeri)
lytsskift:	sjongers fan de Alde Wrâld (Sylviida)
boppefamylje:	echte sjongers fan de Alde Wrâld (Sylvioidea)
famylje:	imerkesjongerfûgels (Locustellidae)
Bonaparte, 1844

Klassifikaasje

De skaaien yn de famylje fan de imerkesjongerfûgels (Locustellidae) binne:

• Skaai: (Robsonius), 3 soarten
• Skaai: imerkesjongers (Helopsaltes), 6 soarten, oant koartlyn ta it skaai Locustella rekkene:
  • grutte snilekrûper (Helopsaltes fasciolatus)
  • Koreaansk reidimerke (Helopsaltes pleskei)
  • Ochotsk reidimerke (Helopsaltes ochotensis)
  • Sachalin reidimerke (Helopsaltes amnicola)
  • Sibearysk reidimerke (Helopsaltes certhiola)
  • Japansk reidimerke (Helopsaltes pryeri)
• Skaai: strûksjongers (Locustella), 24 soarten, dêrûnder:
  • lyts reidimerke (Locustella lanceolata)
  • wekkerke (Locustella fluviatilis)
  • snilekrûper (Locustella luscinioides)
  • reidimerke (Locustella naevia)
  • Sineeske strûksjonger (Locustella tacsanowskia)
  • Baikalstrûksjonger (Locustella davidi)
  • Westhimalaja-strûksjonger (Locustella kashmirensis)
  • bûnte strûksjonger (Locustella thoracica)
• Skaai: (Poodytes), 5 soarten
• Skaai: (Malia), 1 soarte
• Skaai: (Cincloramphus), 11 soarten
• Skaai: (Megalurus), 1 soarte
• Skaai: (Elaphrornis), 1 soarte
• Skaai: (Schoenicola), 2 soarten
• Skaai: (Elaphrornis), 1 soarte
• Skaai: (Catriscus), 1 soarte
• Skaai: (Bradypterus), 12 soarten