MCL Harns
MCL Harns of Medysk Sintrum Ljouwert, lokaasje Harns, is in sikehûs yn 'e Fryske stêd Harns, dat ûnderdiel útmakket fan it gruttere ferbân fan MCL, yn Ljouwert.[1] Oarspronklik wie it in selsstannich sikehûs fan protestantsk-kristlike synjatuer mei as namme Streeksikehûs Oranjeoard.[2] Tsjintwurdich kin men der inkeld noch telâne foar (dei)behannelings yn 'e polyklinyk.[1]
| MCL Harns | ||
 sikehûs
| ||
| ||
| MCL Harns. De wite dûbele doar ûnder de luif, yn 'e midden fan 'e foto, is de haadyngong. | ||
| lokaasje | ||
| lân |  Nederlân
| |
| provinsje |  Fryslân
| |
| gemeente |  Harns (gemeente)
| |
| plak | Harns (stêd)
| |
| adres | Achlumerdyk 2 | |
| koördinaten | 53°09′44.7″N 5°25′46″E | |
| bysûnderheden | ||
| type | streeksikehûs | |
| streaming | sekulier (hist. protestansk) | |
| diel fan | Medysk Sintrum Ljouwert | |
| bêden | – (inkeld noch polyklinyk) | |
| skiednis | ||
| hist. namme | Streeksikehûs Oranjeoard | |
| oprjochting | 1960 (as Oranjeoard) 1995 (as MCL Harns) | |
| opheffing | 1995 (as selsstannich sikehûs) 2023 (as depindânse fan MCL) | |
| fuortk. út | Streeksikehûs Oranjeoard | |
| opgien yn | Medysk Sintrum Ljouwert | |
| gebou | ||
| namme gebou | MCL Harns | |
| boujier | 1974 | |
| boustyl | modern | |
| offisjele webside | ||
| www.mcl.nl/patient/specialismen-en-centra/mcl-harlingen | ||
| kaart | ||
  Lokaasje yn Harns.
| ||
Skiednis
bewurkje seksjeIt protestantske Sikehûs Oranjeoard waard yn 1960 iepene oan 'e Harnzer Keninginne Wilhelminastrjitte.[2] It wie doedestiden it twadde sikehûs fan Harns, njonken it al yn 1872 oprjochte roomske Sint-Joazefsikehûs.[2] Dat gie lykwols yn 1970 ticht.[2] Yn 1974 ferfear Oranjeoard nei in nij gebou oan 'e Achlumerdyk 2.[1][2] Tagelyk waard de namme doe oanpast ta Streeksikehûs Oranjeoard.[2] Yn it âlde gebou oan 'e Keninginne Wilhelminastrjitte kaam yn 1975 de Plysjeskoalle 'De Harne' te sitten, dy't der bleau oant de sloop fan it gebou yn 1988.[2]
Yn 1995 fúzjearre Oranjeoard mei it Medysk Sintrum Ljouwert (MCL), en as gefolch dêrfan waard it doe omneamd ta MCL Harns.[3] Dêrnei feroare it karakter fan it sikehûs yngeand. Yn 2007 waard besletten dat der yn Harns gjin operaasjes mear útfierd wurde soene; dêrfoar moast men tenei nei Ljouwert.[4] De reden dêrfoar wie dat der ferlet wie fan in ynvestearring fan €3 miljoen om 'e operaasjekeamers fan MCL Harns te modernisearjen. Foar de 2200 operaasjes dy't dêr jiers plakfûnen, waard dat troch de direksje fan MCL ekonomysk sjoen "absolút ûnferantwurde" fûn.[4] Sadwaande bleau der yn Harns inkeld in polyklinyk oer.[4] Neitiid waard it gebou foar optimaal gebrûk troch dy polyklinyk tusken 2010 en 2012 wol yngeand renovearre.[3]
Yn maart 2022 waard bekendmakke dat MCL it sikehûsgebou yn Harns yn 'e ferkeap die, mei't it te grut wie en te djoer yn ûnderhâld foar it doetiidske gebrûk. Mei de ferkeap fan it gebou soe in diel fan 'e polyklinyske soarch út Harns ferdwine, om konsintrearre te wurden yn Ljouwert. Wol soe der "in takomstbestindige polyklinyk" earne oars yn Harns fêstige wurde.[5] Yn septimber 2024 kaam nei bûten ta dat MCL foarearst ophold mei te sykjen nei in keaper foar it sikehûsgebou en dat de soarch foar it gebou oerdroegen wie oan leechstânbehearder Carex. Alle oerbleaune polykliniken wiene ûnderwilens oerbrocht nei de begeane grûn. De romten op 'e oare ferdjippings soene troch Carex ferhierd wurde oan "ûndernimmers en keunstners".[6]
Hjoeddeistige sitewaasje
bewurkje seksjeTsjintwurdich foarmet MCL Harns it saneamde Soarchplein Harns mei û.m. Soarchsintrum De Batting, dat yn itselde gebouwekompleks fêstige is.[3] Yn 'e polyklinyk kinne pasjinten (nei in trochferwizing troch harren hûsdokter foar de earste ôfspraak) telâne foar behannelings op it mêd fan 'e folgjende spesjalismen:[1]
|
Keppelings om utens
bewurkje seksje| Boarnen, noaten en/as referinsjes: |
|