Meklenburch-Foarpommeren

Meklenburch-Foarpommeren, Dútsk: Mecklenburg-Vorpommern, Nedersaksysk: Mekelnborg-Vörpommern) is in dielsteat yn it noardeasten fan Dútslân. Yn dizze dielsteat wenje net in protte minsken en hy heart ta de tinst befolke dielsteaten. De haadstêd is Schwerin mei yn it slot de Lândei fan de dielsteat. De grutste stêd is de havenstêd Rostock. Meklenburch-Foarpommeren waard yn 1990 oprjochte nei de Dútske Ienwurding.

Meklenburch-Foarpommeren
Flagge	Wapen
Lokaasje yn Dútslân
Basisgegevens
Haadstêd	Schwerin
Oerflakte	23.170 km²
Befolking	1.693.754(31-12-2006)
Befolkingstichtens	77 ynw./km²
Distrikten

Geografy

Schloss Schwerin

Mecklenburg & Pomerania

Meklenburch-Foarpommeren wurdt yn it noarden begrinze troch de Eastsee, dêr't grutte eilannen lizze as Rugen en Usedom en in rige lytsere eilannen. De neistlizzende dielsteaten binne Sleeswyk-Holstein yn it westen, Nedersaksen yn it súdwesten en Brandenburch yn it suden. Yn it easten grinzet er oan Poalen (West-Pommeren). Yn it súdwesten foarmet de Elbe de grins fan de dielsteat en yn it easten de Oder. Grutte stêden binne njonken Rostock en Schwerin ek Stralsund, Greifswald, Wysmar en Neubrandenburch.

Bestjoerlike yndieling

Meklenburch-Foarpommeren is ûnderferdield yn tolve distrikten (Landkreise) en seis stêdsdistrikten (kreisfreie Städte).

Distrikten (Landkreise)

Bad Doberan Demmin Güstrow Ludwigslust Meklenburch-Strelitz Müritz

Noardfoarpommeren Noardwestmeklenburch Eastfoarpommeren Parchim Rugen Uecker-Randow

Stêdsdistricten (Kreisfreie Städte)

1. Greifswald
2. Neubrandenburch
3. Rostock
4. Schwerin
5. Stralsund
6. Wysmar

Commons

Ofbylden dy't by dit ûnderwerp hearre, binne te finen yn de kategory Mecklenburg-Vorpommern fan Wikimedia Commons.