Poldermûne D

Poldermolen D is in poldermûne oan 'e Noarderfeart tusken Stompetoren en Schermerhorn yn 'e Noard-Hollânske gemeente Alkmar.

Poldermûne D
mûne / mole
lokaasje
provinsje	Noard-Hollân
gemeente	Alkmar
plak	Stompetoren
adres	Noordervaart 49
koördinaten	52° 36'N 4° 51'E
bysûnderheden
type mûne	muonts
funksje	poldermûne
flecht	25 m
boujier	1635
oare ynformaasje
eigner	Skermer Mûnen St.
monumintale status	ryksmonumint
monumintnûmer	33095
Kaart

Skiednis

De mûne waard yn 1635 boud as ûndermûne fan in tydlike mûnegong by Oudorp. Mei't de Skermer drûch foel, ferhûze de mûne nei de hjoeddeiske lokaasje, dêr't er de 315 hektare grutte polder D fan 'e Skermer op 'e Noarderfeart bemealle. De Noarderfeart makket diel út fan 'e binnenboezem fan 'e Skermer.

It skeprêd fan 'e mûne waard yn 1875 ferfongen troch in skroef. As gefolch fan 'e bou fan elektryske gemalen yn 'e Skermer rekke de mûne yn 1929 syn funksje kwyt. De tocht waard doe tichtsmiten en feroare yn greide.

Yn it ramt fan it wer mealree meitsjen fan alle Skermermûnen sûnt 2002 krige de mûne in nije skroef en waard de 300 m lange tocht op 'e nij útgroeven. De skroef waard yn 2019 wer fernijd.

Beskriuwing

Poldermûne D is in reiddutsen achtkante muonts mei in Ald-Hollânsk wjukkekrús. Lykas in soad Noard-Hollânske poldermûnen is Poldermûne D in binnenkruier en it kruiwurk hat 57 houten rollen. De mûne hat in fêste skoarfang.

De mûne is op ôfspraak te besichtigjen en is yn eigendom fan 'e Stifting De Skermer Mûnen.

Keppeling om utens

• feriening De Hollânske Mûne

Boarnen, noaten en referinsjes

Boarnen, noaten en/as referinsjes:

Mûnedatabase. Commons Wikimedia Commons  Ofbylden dy't by dit ûnderwerp hearre, binne te finen yn de kategory Poldermolen D, Stompetoren fan Wikimedia Commons.