Sint-Annetsjerke (Hantumhuzen)

De Sint-Annetsjerke is de eardere herfoarme tsjerke fan Hantumhuzen. De yn de katolike tiid oan de hillige Anne wijde tsjerke waard yn 2007 oerdroegen oan de Stifting Alde Fryske Tsjerken. It Frysk Oekumenysk Wurkferbân organisearret ienris yn 'e moanne in tsjerketsjinst yn de Annetsjerke.

Sint-Annetsjerke (Hantumhuzen)
De tsjerke yn 2023
Lokaasje
provinsje	Fryslân
gemeente	Noardeast-Fryslân
plak	Hantumhuzen
koördinaten	53° 22' N 5° 59' E
Tsjerklike gegevens
patroanhillige	Sint-Anne
status	Ut en troch yn gebrûk as tsjerke
Arsjitektuer
boujier	12e-13e iuw
boustyl	romanogotyk
monumintale status	ryksmonumint
monumintnûmer	38700
Webside
SAFT
Kaart

Skiednis

It âldste diel fan it bouwurk is de foar in part ynboude toer, dy't stamt út likernôch 1200. De bou fan de romanogoatyske tsjerke folge yn de earste helte fan de 13e iuw. Yn de 14e iuw krige de tsjerke in stiennen ferwulft, dat fan fresko's foarsjoen waard. Yn de 18e iuw waard in fiifsidich sletten koer boud en krige de tsjerke in nije kape.

De tsjerke waard yn de jierren 1939-1942 ûnder lieding fan A. Baart restaurearre. By dy restauraasje binne details oan it gebou yn in 13e-iuwske styl tafoege. It 18e-iuwske koer krige doe romaanske finsters.

Ynterieur

Ynterieur

Oarspronklik hie de tsjerke twa ferwulften, dy't yn de 14e iuw ferfongen waarden troch trije. De fresko's op twa fan de trije stiennen ferwulften stamme út de 14e of 15e iuw. It meast eastlike ferwulft is yn de 16e of 17e iuw ferfongen. De beskildering yn dat ferwulft is letter oanbrocht.

De iken preekstoel mei rokoko-fykwurk en it doophek binne fan 1773 en wurde taskreaun oan Yge Rintjes. De kânselbibel stamt út 1662.

Tsjin ien fan de noardlike pylders is it foar in part skansearre en yn 1895 ûntdutsen epitaaf fan Pybo fan Emingha († 1571) en syn frou Biueck Sioerda (1563). Yn de tsjerke lizze en steane der ferskillende sarken út de 16e en 17e iuw, ûnder oaren dy fan Amko Jaarla.

It meganyske smei-izeren oerwurk is 17e-iuwsk.

Oargel

It ienmanualige oargel út 1907 waard boud troch Bakker & Timmenga.

Ofbylden

• 
  Epitaaf
• 
  Beskildering ferwulft
• 
  Oargel

Keppeling om utens

• Disposysje oargel
• De Annetsjerke op de side fan de Stifting Alde Fryske Tsjerken

Boarnen, noaten en referinsjes

Boarnen, noaten en/as referinsjes:

Noordelijk Oostergo - De Dongeradelen, Herma M. van den Berg (1983) PDF Piet Wouda, 2010 Commons Wikimedia Commons  Ofbylden dy't by dit ûnderwerp hearre, binne te finen yn de kategory Sint-Annetsjerke, Hantumhuzen fan Wikimedia Commons.