Sintraal Kanada, of ek wol de Sintrale Provinsjes, wurde de beide Kanadeeske provinsjes Ontario en Kebek mei oantsjut. Hoewol't dêr de grutste befolkingssintra fan hiel Kanada lizze, foarmje se poer geografysk sjoen mear in midsúdeastlik part fan it lân as dat se no persiis yn 'e midden lizze. Behalven harren geografyske neite hawwe it Ingelsktalige Ontario en it Frânsktalige Kebek fierders net in protte mei-inoar gemien. Sintraal Kanada foarmet mei Atlantysk Kanada de gruttere regio fan Eastlik Kanada.

De lokaasje fan Sintraal Kanada yn Kanada.

Sintraal Kanada hie yn 2011 in befolking fan krapoan 20 miljoen minsken op in oerflak fan rom 2.618.000 km², wat in befolkingstichtens fan 7,6 minsken de km² opsmiet. Fan 'e totale befolking fan Kanada libbet sa'n 62% yn Sintraal Kanada. De grutste stêd yn it gebiet is Toronto, yn Ontario, folge troch Montreal, yn Kebek. Oare wichtige plakken binne de Kanadeeske federale haadstêd, Ottawa, yn Ontario, en de provinsjale haadstêd fan Kebek, dy't ek fan Kebek hjit. De befolking is foar in grut part fan Noardjeropeesk komôf, mei hege persintaazjes Ingelsen, Frânsen, Skotten, Ieren en Dútsers, mar yn 'e grutte stêden libbet in oansjenlike net-Westerske minderheid. De lânseigen befolking, besteande út Yndianen, Métis en Inûyt, makket yn Eastlik Kanada in relatyf leech persintaazje fan 'e befolking út.

Boarnen, noaten en referinsjes bewurkje seksje

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.