Standerttype Sextant

It Standerttype Sextant is in stasjonsûntwerp dat foar ferskate stasjons yn de jierren sechstich en santich brûkt waard. It earste gebouke waard yn 1968 boud.

Stasjon Delft Súd

Soart gebou

C. Douma wie de arsjitekt fan dit type stasjonsgebou. De oarspronklike namme wie nei de foarm zeskant, mar dit waard gewoanwei ta Sextant ferbastere. It gebou befette in loket, in tsjinstromte en in wachtromte yn de perioade dat it tsjinst die as stasjonsgebou. Yn totaal waarden der sechstjin sextanten foar de NS boud. In santjinde sexstant waard as busstasjon boud foar Westnederland op it Stasjonsplein yn Delft. De geboukes waarden fan 1968 oant 1979 op in tal plakken yn Nederlân boud, foar in part ta ferfanging fan besteande âlde stasjonsgebouwen en diels as stasjonsgebou by in nij iepene foarstêdsstasjon.

Fan de santjin sextanten binne der fiif bewarre bleaun, dy't allegear in oare funksje krigen hawwe, of bûten gebrûk binne. De ôfbrutsen geboukes ferdwûnen nei't keazen wie foar in ûnbemanne stasjon mei in kaartsjeautomaat, of omdat it tal reizgers sa tanaam dat ferfanging troch in grutter stasjonsgebou needsaaklik achte waard.

Stasjons fan it type Sextant

Tal boud: 17, tal noch oanwêzich: 5.

Stasjon		boud	Opmerkingen
Haren		1968	wachtromte
Rotterdam Alexander		1968	Yn 1983 ôfbrutsen
Utert Overvecht		1968	Yn 1995 ôfbrutsen
Tilburch West		1969
Vlaardingen West		1969	Yn 2006 ôfbrutsen
Voorschoten		1969	Yn 1992 ôfbrutsen
Busstasjon Delft		1970	Yn 2006 ôfbrutsen
Bussum Súd		1970	Yn gebrûk as Kiosk
Delft Súd		1970	Yn 2006 ôfbrutsen
Doardt Súd		1970	Yn 2001 ôfbrutsen
Maassluis West		1970	Yn 2007 ôfbrutsen
Eindhoven Beukenlaan		1971	Yn gebrûk as Snackbar
Beek-Elsloo		1975	Yn gebrûk as ytgelegeheid
Susteren		1975	Yn gebrûk as winkel
Geleen-Lutterade		1976	Yn 2006 ôfbrutsen
Diemen		1978	Yn 2021 ôfbrutsen
Nimwegen Heyendaal		1979	Yn 2000 ôfbrutsen