Stasjon Utert Overvecht

Stasjon Utert Overvecht (Uto) is in spoarweistasjon yn de Nederlânske stêd Utert. En waard iepene yn 1968 oan de Sintraalspoarwei (Utert-Sintraal - Kampen).

Stasjon Utert Overvecht station Utrecht Overvecht
Stasjon Utert Overvecht yn 2005
lokaasje
lân	Nederlân
Provinsje	Utert
Gemeente	Utert
plak	Utert
adres	Tiberdreef 12
arsjitektuer
stasjonskoade	Uto
iepening	26 maaie 1968
boujier	1968 1e stasjonsgebou 1995 2e stasjonsgebou
sloopjier	Jierren 90 1e stasjonsgebou
arsjitekt	1968 C. Douma 1e stasjonsgebou 1995 C.M. Laboyrie 2e stasjonsgebou
oare ynformaasje
perrons	2
perronspoaren	3
spoarline	Sintraalspoarwei
offisjele webside
NS stasjonsynformaasje
kaart

Gebou

1e stasjonsgebou stasjon Utert Overvecht yn 1987

It oarspronklike spoarweistasjon fan Utert Overvecht wie in Standerttype Sextant. It gebou, wie ûntwurpen troch de arsjitekt Cees Douma. It earste stasjongsgebou waard ôfbrutsen yn 'e njoggentiger jierren, om plak te meitsjen foar útwreiding fan it tal spoaren en in tunnel tusken de wenwiken oan wjerskanten fan it spoar.

It stasjonsgebou waard yn 1995 ferfongen troch in nij gebou, nei ûntwerp fan arsjitekte C.M. Laboyrie. In opfallend gebou mei in totale hichte fan mar leafst tsien meter. It grutste part fan it skots en skeane gebou bestiet lykwols út lege romte. De treppen oan de kant fan it stasjonsgebou binne útfierd as in amfiteäter. It healrûne teäter is omseame troch in swarte kolonnade. As lêste is it nije eilânperron foarsjoen fan in markante perronoerkaping dy't ophongen is oan in hege skeane pylder. Yn 2011 is it grutste part fan de treppen ferfongen troch in tún. Oan de kant fan it stasjonsgebou is in glydbaan nei it perron makke.

Treinferbinings

Searje	Treintype	Rûte	Tsjinstroaster
4900	Sprinter (NS)	Utert-Sintraal – Utert Overvecht – Hilfertsom – Almere Sintrum	Stoppet net op Hollandsche Rading, Hilfertsom Media Park en Bussum Súd. Rydt yn 'e betide moarn, jûns nei 20:00 en yn it wykein as 14900.
14900	Sprinter (NS)	Almere Sintrum – Hilfertsom – Utert Overvecht – Utert-Sintraal	Rydt allinne jûns en yn it wykein. Stoppet net op Bussum Súd en Hilfertsom Media Park. Wurdt troch de wike oerdeis riden troch searje 4900.
5500	Sprinter (NS)	Utert Sintraal – Utert Overvecht – Den Dolder – Baarn	Rydt jûns en yn it wykein 1 x yn 'e oere.
5600	Sprinter (NS)	Utert Sintraal – Utert Overvecht – Amersfoart Sintraal – Swol
5700	Sprinter (NS)	Utert Sintraal – Utert Overvecht – Hilfertsom – Weesp – Amsterdam Súd – Skiphol Airport – Hoofddorp

Boarnen, noaten en referinsjes

Boarnen, noaten en/as referinsjes:

Wikipedy:NL (ned) stationsweb.nl (ned) martijnvanvulpen.nl Commons Wikimedia Commons  Ofbylden dy't by dit ûnderwerp hearre, binne te finen yn de kategory Station Utrecht Overvecht fan Wikimedia Commons.