Stiftstsjerke Diez

De Stiftstsjerke Sint-Marije (Dútsk: Stiftskirche Diez St. Maria) is in oarspronklik oan Marije wijd tsjerkegebou yn Diez yn 'e Dútske dielsteat Rynlân-Palts.

Stiftstsjerke Diez
Lokaasje
lân	Dútslân
dielsteat	Rynlân-Palts
lânkring	Rhein-Lahn-Kreis
plak	Diez
adres	Schlossberg
koördinaten	50° 22' N 8° 24.3' E
Tsjerklike gegevens
tsjerkegenoatskip	protestantisme
patroanhillige	Marije
Arsjitektuer
boujier	13e iuw
boustyl	romaanske arsjitektuer
Webside
Side Stiftskirche Diez
Kaart

Skiednis

Grêf Amalia fan Nassau-Diez

De tsjerke stiet oan 'e foet fan it greveslot fan Diez en datearret út it lêste stik fan 'e 13e iuw. It wie de tsjerke fan in troch greve Gerhard IV fan Diez (1272-1306) oprjochte stift, dat oant 1564 bestie. Yn dat jier gyng de stêd oer op 'e reformaasje. It stift waard opheft en de tsjerke waard in protestantsk tsjerkegebou.

Yn 'e tsjerke binne meardere grêfmonuminten fan it grevehûs Diez-Nassau. Fral de sarkofaach fan Amalia fan Nassau-Diez yn it rjochter sydskip is it besjen wurdich. Har dochters fûnen harren lêste rêstplak yn 'e grêfkelder.

Opfallend is ek it stiennen doopfont, dat romaansk en âlder is as de tsjerke sels en werfan't de oarsprong net bekend is.

Keppeling om utens

• (dú) Klosterlexikon Rheinland-Pfalz: Stift St. Maria, Diez

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: Literatur, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory St. Maria (Diez) fan Wikimedia Commons.