Tom van Deel
Tom van Deel (Apeldoarn, 21 febrewaris 1945 - Amsterdam, 12 augustus 2019) wie in Nederlânsk dichter, essayist en literatuerkritikus. Hy publisearre allinne mei syn foarletter as T. van Deel.
| Tom van Deel | ||
 skriuwer
| ||
| persoanlike bysûnderheden | ||
| echte namme | Thomas van Deel | |
| nasjonaliteit |  Nederlânsk
| |
| berne | 21 febrewaris 1945 | |
| berteplak | Apeldoarn (Gelderlân) | |
| stoarn | 12 augustus 2019 | |
| stjerplak | Amsterdam | |
| etnisiteit | Nederlânsk
| |
| reg. identiteit |  Nedersaksysk
| |
| wurk | ||
| taal | Nederlânsk | |
| sjenre | poëzij, essay's, non-fiksje | |
| perioade | 2e helte 20e iuw | |
| bekendste wurk(en) |
Recht onder de Merels, Achter de Waterval | |
| prizen | Jan Campertpriis 1987 | |
| jierren aktyf | 1969 – 2019 | |
Wurkpaad
bewurkje seksjeYn 1967 publisearre er ûnder de pseudonimen G. en Gerrit Vogel gedichten yn Pharetra, it studinteblêd fan de Frije Universiteit Amsterdam. Yn 1969 ferskynde syn debút, de dichtbondel Strafwerk, by útjouwerij Querido. Yn 1987 krige er de Jan Campertpriis foar syn dichtbondel Achter de waterval. Yn 1988 ferskynde Gedichten, 1969-1986, in samling fan syn gedichten oant dan ta.
Van Deel wie fan 1969 oant 2008 literêr resinsint fan it deiblêd Trouw. Hy wie teffens ien fan de oprjochters fan it literêre tydskrift De Revisor, dêr't er oant 1981 redakteur wie.
Yn 1971 waard Van Deel beneamd ta dosint moderne Nederlânske letterkunde oan it Instituut voor Neerlandistiek fan de Universiteit fan Amsterdam. Hy ferfolde dy funksje oant 2006.
Persoanlik libben
bewurkje seksjeVan Deel wie fan 1993 oant 2009 troud mei de dichteres Marjoleine de Vos.[1][2]
Wurk
bewurkje seksje- 1969 - Strafwerk (poëzij)
- 1971 - Lees Eens een Gedicht (blomlêzing)
- 1971 - Recht onder de Merels (poëzij)
- 1975 - Gedichten bij Tekeningen
- 1975 - Klein Diorama
- 1977 - Lees Nog Eens een Gedicht (blomlêzing)
- 1979 - Bij het Schrijven: Gesprekken met Rutger Kopland, Gerrit Krol, Jan Kuijper, Willem Brakman en Jeroen Brouwers
- 1979 - De Vogel
- 1980 - Recensies (boekbesprekken)
- 1982 - Over Recenseren
- 1985 - Als Ik Tekenen Kon: Beeldgedichten van Willem van Toorn
- 1985 - De Sensatie van de Notedop
- 1986 - Achter de Waterval
- 1986 - De Komma bij Krol en Andere Essays
- 1986 - Henk Romijn Meijer
- 1987 - H. C. ten Berge
- 1987 - Veel Lied'ren Zijn Gezongen
- 1988 - Gedichten, 1969-1986
- 1992 - Als Ik Tekenen Kon
- 1998 - Nu Het Nog Licht Is
Van Deel yn it Frysk
bewurkje seksjeFerskate gedichten fan Tom van Deel binne nei it Frysk ta oerbrocht troch klassyk oersetter Klaas Bruinsma, dy't benammen bekend is troch syn ferfrysking fan Homêros syn Ilias en Odyssee en in hiele rige Aldgrykske toanielstikken fan skriuwers as Sofokles, Aiskylos, Euripides en Aristofanes. De fertalings fan fersen fan Van Deel, Rutger Kopland, Hans Faverey en Gerrit Achterberg binne yn te sjen by Tresoar, al is út it lemma yn it digitaal argyf fan Tresoar net op te meitsjen oft se ea publesearre binne, of fan hokker jier oft se datearje (útsein de fermelding "20e eeuw").
Prizen
bewurkje seksje- 1987 - Jan Campertpriis foar Achter de Waterval
Keppelingen om utens
bewurkje seksje| Boarnen, noaten en/as referinsjes: |
|
- ↑ Biografy fan Marjoleine de Vos yn de Nederlandse Poëzie Encyclopedie Sjoen op 11 july 2017
- ↑ “Het geheim van een goed humeur is aandacht”, Nieuw Wij, 15 novimber 2010 Sjoen op 11 july 2017