Tsjerke fan de Feriene Kristlike Gemeente
De Tsjerke fan de Feriene Kristlike Gemeente is in mienskiplik tsjerkegebou fan de mennisten en remonstranten yn Dokkum.
| Tsjerke fan de Feriene Kristlike Gemeente | ||
| bouwurk | ||
| ||
| lokaasje | ||
| lân |  Nederlân
| |
| provinsje |  Fryslân
| |
| gemeente |  Noardeast-Fryslân
| |
| plak |  Dokkum
| |
| adres | Legeweg 14 | |
| bysûnderheden | ||
| type bouwurk | Tsjerke | |
| boujier | 1852 | |
| arsjitekt | Th. Romein | |
| boustyl | Neoklassisisme | |
| monumintale status |  ryksmonumint
| |
| monumintnûmer | 13153 | |
| offisjele webside | ||
| Side Feriene Kristlike Gemeente | ||
SkiednisBewurkje
De tsjerke waard yn 1852 boud foar de Feriene Kristlike Gemeenten fan mennisten en remonstranten. Yn dy tiid wie de gearwurking fan mennisten en remonstranten unyk. Yn 1796 hie de Remonstrantske Bruorskip alle protestantske tsjerken útnoege om ien te wurden. Dat wie yn dy tiid foar de tsjerken noch in brêge te fier en allinne it slagge allinne yn Dokkum om mennisten en remonstranten te ferienigjen. Fanwegen de ôfnimmende ledetallen fan mennisten en remonstranten wurdt der hjoeddedei ek op in soad oare plakken gearwurke, somtiden oanfolle mei de frijsinnich herfoarmen en it Nederlânske Protestantenbûn.
De tsjerke is in neoklassisistysk ûntwerp fan de arsjitekt Thomas Romein, dat basearre wie op de tsjerke fan Terbant út 1843. De nijbou ferfong doe in âldere fermanje út 1740 op itselde plak, dat earder yn de plak kommen wie fan in skûltsjerke út 1655 oan de Aldemansstege.
Boppe de tagong fan de tsjerke is de tekst Een is uw meester en gy zyt allen broeders oanbrocht.
YnterieurBewurkje
It tige ienfâldige ynterieur wurdt fan in houten tonferwulft oerdutsen. Boppe de preekstoel hinget it Van Dam-oargel.
OargelBewurkje
It oargel waard yn 1863 boud troch L. van Dam. By de bou fan it oargel waard njonken âldere pipen ek it besteande front út 1852 fan Willem Hardorff brûkt.
Keppeling om utensBewurkje
| Boarnen, noaten en/as referinsjes: | ||
|
