Wörrstadt

Wörrstadt is in plak yn 'e lânkring Alzey-Worms yn 'e dielsteat Rynlân-Palts yn Dútslân. De stêd is it haadplak fan 'e ferbânsgemeente Wörrstadt.

Wörrstadt
Emblemen
Bestjoer
Lân	Dútslân
dielsteat	Rynlân-Palts
lânkring	Alzey-Worms
Gemeente-yndieling	2 Stadtteile
Sifers
Ynwennertal	8.012 (2022)
Oerflak	16,75 km²
Befolkingsticht.	478 ynw./km²
Hichte	210 m.
Oar
Postkoade	55286
Koördinaten	49° 50' N 8° 6' E
Offisjele webside
www.woerrstadt.de
Kaart

Geografy

Wörrstadt leit yn Rynhessen oan 'e noardwestlike râne fan in leechflakte. Mainz, de haadstêd fan 'e dielsteat Rynlân-Palts, leit himelsbreed likernôch 15 km noardlik fan Wörrstadt. Alzey, de haadstêd fan 'e lânkring Alzey-Worms, leit 10 km súd fan Wörrstadt. By Wörrstadt heart ek it stedsdiel Rommersheim, dat yn it súdwestlike stedsgebiet leit.

Wörrstadt leit yn it typyske Ryn-Hessyske kultuerlânskip mei yntinsive wynbou en ek wat lânbou. Der is net in soad natuerlike begroeiing yn dat lânskip, mar yn it stedsgebiet fan Wörrstadt leit ien fan 'e seldsume bosken fan 'e regio, de Neuborn.

Oanbuorjende gemeenten binne: Saulheim, Schornsheim, Gabsheim, Spiesheim, Ensheim, Armsheim, Sulzheim en Vendersheim

Skiednis

Wörrstadt waard foar it earst yn 772 yn in oarkonde neamd. De Frankyske hôfmeier Pepyn fan Herstal skonk doe goed yn 'e trije plakken Wörrstadt, Armsheim en Saulheim oan 'e Nikodemustsjerke fan Mainz. Oannommen wurdt dat al foar 2000 f.Kr. it gebiet fan it hjoeddeiske stedsgebiet bewenne waard. Rommersheim, oant 1931 bekend ûnder de namme Eichloch, waard foar it earst yn 824 neamd.

Al yn 'e 8e iuw hie Wörrstadt in tsjerke. Om 1100 waard de Laurentiustsjerke as wartsjerke boud. De twadde tsjerke baarne om 1600 hinne troch bliksemynslach út en waard dêrnei op 'e nij boud. De eardere tsjerke wie wol heger, mar dochs is ek hjoed-de-dei de tsjerke noch it heechste gebou fan Wörrstadt.

De katolike tsjerke waard yn 'e 18e iuw boud en stiet njonken de 16e-iuwske protestantske Laurentiustsjerke.

De Rommersheimer tsjerke waard tusken 1733 en 1751 boud. In krusifiks wiist lykwols op in oarspronklik tige âlde tsjerke.

Op 7 novimber 1970 waard Rommersheim mei doe 432 ynwenners by Wörrstadt yndield. Sûnt 4 septimber 2009 mei Wörrstadt himsels in stêd neame.

Boarnen, noaten en referinsjes

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Wörrstadt Commons Wikimedia Commons  Ofbylden dy't by dit ûnderwerp hearre, binne te finen yn de kategory Wörrstadt fan Wikimedia Commons.