Mainz

Mainz is de haadstêd en grutste stêd fan de Dútske dielsteat Rynlân-Palts (Rheinland-Pfalz). De stêd leit op de linkerigge fan de Ryn tsjinoer de útrin fan de Main.

Mainz
Emblemen
Bestjoer
Lân	Dútslân
dielsteat	Rynlân-Palts
Stedsyndieling	15 Ortsbezirke
Sifers
Ynwennertal	217.556 (2021)
Oerflak	97,73 km²
Befolkingsticht.	2.226 ynw./km²
Hichte	82-245 m
Oar
Stifting	10 f.Kr.
Koördinaten	50° 0' N 8° 16' E
Offisjele webside
www.mainz.de
Kaart

De binnenstêd fan Mainz is it besjen wol wurdich, mei as wichtichste monumint de dom fan Mainz, ien fan de trije Romaanske Kaiserdome oan de Ryn.

Mainz hat in mearsidige ekonomy. It stiet bekend as mediastêd troch de setels fan ZDF, SWR en 3Sat. Ek it haadkantoor fan Railion (earder: Deutsche Bahn Cargo) is yn Mainz fêstige. Yn Mainz is ek in universiteit.

Mainz is, op Keulen nei, de stêd dêr't yn Dútslân it karnaval it meast útskroeven fierd wurdt.

Skiednis

Mainz hat in lange skiednis, dy't werom giet oant de prehistoarje. Op it plak fan in Keltyske delsetting hawwe de Romeinen harren Moguntiacum stifte. Mainz wie al yn de 8e iuw in bisdom, dêr't de biskop ek wrâldske macht hie: hy waard ien fan de sân karfoarsten yn it Hillige Roomske Ryk. De biskop fan Mainz fierde de earetitel fan Primas Germaniae.

Mainz krige yn 1476 foar it earst in universiteit, mar dizze waard yn de 17e iuw sletten. De tsjintwurdige Johannes-Gutenberg-Universität datearret fan 1946. Hy is neamd nei de ferneamde boekprinter Johannes Gutenberg, dy't fan Mainz kaam.

Yn 1792 waard Mainz ynnaam troch Frânske revolúsjonêre troepen, dy't dêrnei de Mainzer Frijsteat útrôpen. Njoggen moanne letter waard de stêd werom ferovere. Yn de Twadde Wrâldkriich waard in grut part fan de stêd ferneatige. Nei de oarloch moast Mainz by de bestjoerlike weryndieling fan Dútslân de wiken oan de oerside fan de Ryn ôfstean oan Wiesbaden, dat sûntiids grutter is. Nei de oarloch waard de binnenstêd restaurearre, wêrby it midsiuwske strjittepatroan behâlden bleau. Bysûnder is het strjitnammesysteem út 1853: Alle strjitten parallel oan de Ryn hawwe blauwe strjitnammebuorden, de strjitten leadrjocht op de Ryn binne mei reade strjitnammebuordsjes oanjûn.

Yn 1958 wie yn Mainz it Universeel Esperantokongres.

Befolkingsûntwikkeling

Stedsyndieling

Stedsgebieten fan Mainz

It stedsgebiet fan Mainz bestiet út 15 Ortsbezirke. Elts Ortsbezirk hat in keazen Ortsbeirat fan 13 leden en in keazen Ortsvorsteher, dy't de Ortsbeirat foarsit. De Ortsbeirat giet oer alle saken fan it Ortsbezirk, mar it definitive beslút oer in maatregel wurdt troch de gemeenteried fan de stêd nommen.

Ortsbezirken
Altstadt Bretzenheim Drais Ebersheim Finthen Gonsenheim Hartenberg-Münchfeld Hechtsheim	Laubenheim Lerchenberg Marienborn Mombach Neustadt Oberstadt Weisenau

It besjen wurdich

• Theodor-Heuss brêge oer de Ryn

Gebouwen

Tsjerken

Domtsjerke Sint-Martinus Sint-Jehannestsjerke (de âlde dom) Kristustsjerke Sint-Petrustsjerke Sint-Quintinustsjerke	Sint-Stefanustsjerke Augustinertsjerke Sint-Ignatiustsjerke Karmelitetsjerke Kristustsjerke

Net mear besteand:

• Maria ad Gradustsjerke

Oars

• Nije Synagoge

Musea

• Gutenberg Museum
• Landesmuseum Mainz
• Kunsthalle Mainz
• Naturhistorisches Museum Mainz
• Diozesan Museum
• Römisch-Germanisches Zentralmuseum
• Stadthistorisches Museum
• Fastnachtsmuseum

Ofbylden

• 
  Domtsjerke
• 
  Gutenberg Museum
• 
  Weinhaus zum Spiegel
• 
  Landtag-Staatskanzlei
• 
  Kristustsjerke
• 
  Holzturm

Berne yn Mainz

• Johannes Gutenberg (1397-1468), útfiner fan de boekdrukkeunst
• Franz Bopp (1791-1867), taalkundige

Keppelingen om utens

• (dú) Webside Landeshauptstadt Mainz
• (in) Mogontiacum/Mainz, artikel oer Mainz yn de Romeinske tiid (Ynternet Argyf)

	Rynlân-Palts
Regierungsbezirke Koblenz - Trier - Rynhessen-Palts
Landkreise Ahrweiler - Altenkirchen - Alzey-Worms - Bad Dürkheim - Bad Kreuznach - Bernkastel-Wittlich - Birkenfeld - Cochem-Zell - Donnersbergkreis - Eifelkreis Bitburg-Prüm - Germersheim - Kaiserslautern - Kusel - Mainz-Bingen - Mayen-Koblenz - Neuwied - Rhein-Hunsrück-Kreis - Rhein-Lahn-Kreis - Rhein-Pfalz-Kreis - Südliche Weinstraße - Südwestpfalz - Trier-Saarburg - Vulkaneifel - Westerwaldkreis
Kreisfreie Städte Frankenthal - Kaiserslautern - Koblenz - Landau - Ludwigshafen - Mainz - Neustadt (Weinstraße) - Pirmasens - Spiers - Trier - Worms - Zweibrücken
· ·