Zeldenrust (Dokkum)

De Zeldenrust ('Seldenrêst') is in nôt- en pelmûne yn Dokkum yn de gemeente Noardeast-Fryslân. De mûne is foar it stedsoansjen fan de stêd fan tige grut belang.

Seldenrêst
mûne / mole
De Seldenrêst yn 2019
lokaasje
lân	Nederlân
provinsje	Fryslân
gemeente	Noardeast-Fryslân
plak	Dokkum
adres	Baantjebolwurk
koördinaten	53° 19' N 5° 59' E
bysûnderheden
type mûne	stellingmûne
funksje	nôt- en pelmûne
flecht	22 meter
boujier	1862
oare ynformaasje
eigner	Stifting Monumintebehâld Noardeast-Fryslân
monumintale status	ryksmonumint
monumintnûmer	13097
Webside
St. Monumintebehâld NEF
Kaart

Skiednis

De mûne waard yn 1862 boud op it plak, dêr't de yn 1861 ôfbaarnde Trijepypstermûne stie. De Trijepypstermûne stie der nei alle gedachten al sûnt 1753. Foar dy tiid stie op it plak in standermûne.

Grutte restauraasjes fan de mûne hawwe yn 1968-1969, 1995 en 2010-2011 plakfûn.

Beskriuwing

De Seldenrêst is in achtkante stellingmûne mei in stiennen ûnderbou en in houten, reiddutsen romp mei kape. De stelling hat in hichte fan 8,85 meter en de wjukken binne Aldhollânsk ophekt en hawwe in flecht fan 22 meter. De Seldenrêst is boud as pel- en nôtmûne en is dat noch jimmeroan. Eigener is de Stifting Monumintebehâld Dongeradiel, dy't sûnt de gemeentefúzje yn 2022 de Stifting Monumintebehâld Noardeast-Fryslân hjit.

De Hoop

De Wikipedy hat ek in side De Hoop (Dokkum).

De oare Dokkumer mûne op ien fan 'e bolwurken is De Hoop.

Oars

Yn 2015 presintearren de Dokkumers Warner Banga en Karel Jongsma fan de wurkgroep 'Molenerf' in plan om in tredde mûne op ien fan de Dokkumer bolwurken te bouwen. De doetiidske gemeente Dongeradiel wiisde oardel jier letter it inisjatyf fan de wurkgroep ôf, om't it plan net passe soe yn de romtlike oardening en it bestimmingsplan. De gemeente omskreau in rekonstruksje fan de mûne op it plak as in 'nijboud dekorstik'.

Sjoch ek

• Mole yn Fryslân

Keppeling om utens

• Mûnedatabank oer De Seldenrêst

Boarnen, noaten en referinsjes

Boarnen, noaten en/as referinsjes:

Friese Molens, 1995 Friese Pers Boekerij BV, ISBN 90 330 1522 6, side 162 Commons Wikimedia Commons  Ofbylden dy't by dit ûnderwerp hearre, binne te finen yn de kategory Seldenrêst, Dokkum fan Wikimedia Commons.