Zwinderen (Nedersaksysk: Zwindern) is in doarp dat oan de A37 leit yn de gemeente Coevorden (foar 1998 Oosterhesselen) yn de Nederlânske provinsje Drinte , yn de trijehoeke, Coevorden, Hoogeveen en Emmen. It plak leit besúdwesten Oosterhesselen, beëasten Hoogeveen, benoardwesten Coevorden en bewesten Dalen. Benoarden it doarp leit de Zwindersche Esch, besúdwesten it doarp is it grutte Zwindersche Veld mei dêryn de nije delsetting Nij-Zwinderen oan it Kanaal Coevorden-Zwinderen, besuden Geesbrug, trochsnien troch it Zwindersche Kanaal. Zwinderen sels leit oan de Verlengde Hoogeveense Vaart mei de "Johannes Postbrêge'", "Zwinderskebrêge" en "Driftbrêge". De famyljes Rigterink en Oldenhuis hawwe in wichtige rôl yn de skiednis fan it doarp spile.

Zwinderen
Polityk
Provinsje Drinte
Gemeente Coevorden
Sifers
Ynwennertal 423 (1 jannewaris 2010)
Oar
Postkoade 7864
Koördinaten 52° 44' NB, 6° 41' OL

Skiednis bewurkje seksje

Op de brink fan it doarp leit in balstien ta betinking fan it 775-jierrich bestean fan Zwinderen (1217-1982). Zwinderen wurdt yn in oarkonde neamd fan de biskop fan Utert.

Boarnen neame: in Suinre (1217), de Swinre (1276), Swijnre (1295), Zwynderen (1527), Swinder (1811-13). Der binne twa teoryen fan dêr't plaknamme gearstald út wêze kin:

  • swin, zwin = wetterrin, ril, streamke (ôflaat fan swinan = ferdwine, verzwinden) en horne (= hoeke, herne).
  • swin en heri, hara = mei bosk bewoeksen hichte.

It kin dus betsjutte:

  • hoeke/herne oan de natuerlike wetterrin
  • sânige, bewoeksen hichte oan de wetterrin, yn dat gefal it Loodiep.

Yn Zwinderen lei yn de Midsiuwen inkelde geastlike guod. Yn 1615 waard it lienrjocht, dy't it kleaster Dikninge hie op it hiem Oldenhuis, foar 120 gûne ôfkocht troch in famylje, dy't himsels Oldenhuis neamde. Yn de santjinde iuw telde Zinderen fjouwer buorkerijen en ien skeperij. Yn 1794 wiene der fyftjin buorkerijen as gefolch fan it yntensivearjen fan de lânbou dy't yn Drinte geande wie.

Galery bewurkje seksje

Keppeling om utens bewurkje seksje

 
Plakken en buorskippen yn de gemeente Coevorden
 
Stêd: Coevorden
Doarpen: AaldenAchterste ErmBenneveldDalenDalerpeelDalerveenDe KielDiphoornEldijkErmGeesGeesbrug't HaantjeHolslootLangerakMeppenNieuwe KrimNieuwlande (foar in part) ● Noord-Sleen · OosterhesselenSchoonoordSleenSteenwijksmoerStieltjeskanaalVeenhuizenWachtumWezupWezuperbrugZweelooZwinderen