Abruzzen

De Abruzzen (Italjaansk: Abruzzi of Abruzzo) is in yn 1964 oprjochte regio yn Sintraal-Itaalje. De namme is ôflaat fan it Latynske Aprutium, dat safolle betsjut as Lân fan de swinen. Foarhinne makke de regio tegearre mei Molise diel út fan de regio Abruzzen en Molise. Yn it noardwesten grinzget de regio oan De Marken, yn it westen oan Latium, yn it súdeasten oan Molise en yn it easten oan de Adriatyske See.

Abruzzen Abruzzo
Flagge	Wapen
Lokaasje yn Itaalje
Algemien
Haadstêd	l'Aquila
Oerflakte	10.831,84 km²
Befolking	1.269.525 (31.01.2024)
Befolkingstichtens	117,2 ynw./km²
Oare ynformaasje
Heechste punt	Corno Grande : 2.912 m
Oantal gemeenten	305
Provinsjes	l'Aquila, Chieti, Pescara, Teramo

Lânskip

Gran Sasso d'Italia.

De regio beskikt oer in soad moaie natuergebieten en der binne trije grutte nasjonale parken: Gran Sasso-Laga, Maiella en Abruzzo. Yn it lêste park libbe noch brune bearen. De twa heechste toppen fan de Apeninen lizze ek yn Abruzzo, it binne de Gran Sasso d'Italia (2.912 meter) en de Majella (2.795 meter). Oare natuerlike nijsgjirrichheden binne de Salanchi fan Atri en it uterste suden fan de Abruzzyske kust: de Punta Penna en Costa dei trabocchi. De regio is ek ryk oan marren dy't al dan net stood binne krektas it Mar fan Barrea, Mar fan Campotosto en Mar fan Bomba.

Natuerparken

Gims yn it Val di Rose.

Yn de Abruzzen binne fjouwer grutte natuerparken. De bysûnder rike berchfloara en -fauna is beskerme. Neist de earder neamde brune bear libje der yn it gebiet ek Apenynske wolven en stienbokken.

• Parco Nazionale d'Abruzzo
• Parco Nazionale del Gran Sasso e Monti della Laga
• Parco Nazionale della Maiella
• Parco Regionale Sirente Velino

Nijsgjirrichheden

De meast nijsgjirrige stêden fan de regio binne L'Aquila, Teramo, Sulmona, Lanciano, Chieti, Vasto en Atri. De grutste stêd is Pescara, it ekonomyske hert fan de regio. Dy stêd hat de toerist lykwols útsein de moaie strânbûlevaar net folle te bieden. De berchdoarpen fan Abruzzo binne yn it meastepart fan de gefallen, benammen yn 'e provinsje L'Aquila, tige moai en net troch de tiid oantaaste. In prachtich foarbyld dêrfan is Pacentro.

Oan de kust is it toerisme reedlik ûntwikkele. De wichtichste plakken hjir binne Roseto degli Abruzzi, Pineto, Giulianova en Montesilvano

Provinsjes

De regio bestiet út fjouwer provinsjes:

kaart	wapen	provinsje	ôfk.	haadstêd	oantal gemeenten
		l'Aquila	AQ	l'Aquila	108
		Siti	CH	Chieti	104
		Pescara	PE	Pescara	46
		Teramo	TE	Teramo	47

Gemeenten

Kaart fan de regio

De fyftjin grutste gemeenten fan 'e regio binne neffens ynwennertal (haadstêden fan 'e provinsjes binne mei fette letter wjerjûn:

	Wapen	Gemeente	Befolking (30-6-2024)	Provinsje	Oerflak (km²)
1º		Pescara	118.740	Pescara	33.95
2º		L'Aquila	70.312	L'Aquila	473.91
3º		Montesilvano	53.640	Pescara	23.57
4º		Teramo	51.408	Teramo	152.84
5º		Chieti	48.487	Chieti	59.57
6º		Avezzano	40.893	L'Aquila	104.08
7º		Vasto	40.811	Chieti	71.35
8º		Lanciano	33.901	Chieti	66.94
9º		Roseto degli Abruzzi	25.715	Teramo	53.27
10º		Francavilla al Mare	25.450	Chieti	23.09
11º	-	Giulianova	23.491	Teramo	28
12º		Ortona	22.055	Chieti	70.88
13º		Sulmona	21.797	L'Aquila	57.93
14º	-	San Salvo	19.810	Chieti	19.7
15º		Spoltore	19.017	Pescara	37.01

Ofbylden

• 
  Pescara.
• 
  Rocca Calaskio.
• 
  Lansiano.
• 
  Pasentro.
• 
  Trabucco.

Keppeling om utens

• Regio Abruzzo
• Abruzzo Turismo

Ofbylden dy't by dit ûnderwerp hearre, binne te finen yn de kategory Abruzzo fan Wikimedia Commons.

Regio's fan Itaalje
Abruzzen - Aostadelling - Apûlje - Basilikata - Feneto - Emylje-Romanje - Friûly-Julysk Feneesje - Kalaabrje - Kampaanje - Latium - Liguerje - Lombardije - Marke - Molise - Piëmont - Sardynje - Sisylje - Trentino-Súd-Tiroal - Toskane - Umbrje
· ·