Alderheljenfloed (2006)
De Alderheljenfloed fan 2006 wie fan 31 oktober op 1 novimber 2006. Noard-Nederlân en Dútslân waarden troffen troch de swierste stoarm sûnt 1991. By Delfsyl is in wetterstân mjitten fan 4,83 m boppe NAP, de heechste wetterstân ea. It foarrige rekord datearre fan 1825, doe't by de stoarmfloed fan 1825 mear as 800 deaden foelen. Op de pier fan Holwert wêr't de fearboat nei It Amelân fertrekt, dreaunen troch de stoarmfloed auto's de Waadsee yn. Yn Marrum ferdronken yn in kwelder tweintich hynders, mear as hûndert oaren wienen troch it troch de stoarm feroarsake hege wetter ynsluten. Troch de sûnt it Deltaplan ferhege diken wienen der nettsjinsteande de hege wetterstannen binnendyks gjin oerstreamings yn Fryslân.
Sjoch ek
bewurkje seksje- Rêdingsaksje hynders yn Marrum
- de Alderheljenfloed fan 1170
- de Alderheljenfloed fan 1570
- de Alderheljenfloed fan 1675