Auerhinnen

De auerhinnen (wittenskiplike namme: Tetrao) foarmje in skaai fan 'e klasse fan 'e fûgels (Aves), it boppeskift fan 'e goes- en hineftigen (Galloanserae), it skift fan 'e hineftigen (Galliformes), de boppefamylje fan 'e fazantfûgels (Phasianoidea), de famylje fan 'e fazanteftigen (Phasianidae), de ûnderfamylje fan 'e echte fazanten (Phasianinae) en de tûke fan 'e rûchpoathinnen (Tetraonini).

auerhinnen
In auerhin (Tetrao urogallus).
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	fûgels (Aves)
ûnderklasse:	moderne fûgels (Neornithes)
tuskenklasse:	nijkakigen (Neognathae)
boppeskift:	goes- en hineftigen    (Galloanserae)
skift:	hineftigen (Galliformes)
boppefamylje:	fazantfûgels (Phasianoidea)
famylje:	fazanteftigen (Phasianidae)
ûnderfamylje:	echte fazanten (Phasianinae)
tûke:	rûchpoathinnen (Tetraonini)
skaai:	auerhinnen (Tetrao)
Linnaeus, 1758

Beskriuwing

Dit skaai omfettet twa soarten, dy't benammentlik boskeftige gebieten bewenje yn it noarden fan Jeraazje. It skaai fan 'e auerhinnen waard yn 1758 yn 'e taksonomy yntrodusearre troch de Sweedske biolooch Carolus Linnaeus yn 'e tsiende edysje fan syn gesachhawwende Systema Naturae. Linnaeus joech it skaai de namme Tetrao, in Latynsk wurd foar in fûgel dy't yn 'e Romeinske Tiid faak bejage waard. It is net alhiel wis hokker fûgel dêrmei oantsjut waard, mar foar 't neist gie it om 'e kuorhin (Lyrurus tetrix). Oarspronklik wie dy soarte troch Linnaeus by de auerhinnen yndield, mar letter is er ôfspjalte ta it skaai fan 'e kuorhinnen (Lyrurus). De auerhinnen binne de grutste rûchpoathinnen fan 'e Alde Wrâld, en yn 'e Nije Wrâld binne inkeld de kalkoenen (Meleagris) grutter.

Soarten

skaai auerhinnen (Tetrao) auerhin (Tetrao urogallus) rotsauerhin of Sachalinauerhin (Tetrao urogalloides)

Dêrnjonken binne der noch fiif fossile soarten bekend:

• Tetrao conjugens (ier Plioseen fan Midden-Jeropa)
• Tetrao rhodopensis (ier Plioseen fan Bulgarije)
• Tetrao partium (ier Plioseen oant ier Pleistoseen fan 'e Balkan)
• Tetrao macropus (let Plioseen oant ier Pleistoseen fan Hongarije)
• Tetrao praeurogallus (ier oant midden Pleistoseen fan East-Jeropa)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Tetrao fan Wikimedia Commons.