Barbara Doll
Barbara Doll, echte namme ûnbekend (Rouen, 7 maaie 1972 – Frankryk, 2 desimber 2023), wie in Frânsk neakenmodel en pornografysk aktrise. Hja wurke ek wol ûnder de artystenammen Barbara Dahl, Barbra Doll en koartwei Barbara. Doll sette yn 1993 útein mei in wurkpaad yn 'e pornoyndustry en spile yn frijwat films. Teffens wie se aktyf as pornoregisseur. Yn 1999 beëinige Doll har karriêre as pornoaktrise.
| Barbara Doll | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Barbara Dahl, Barbra Doll, Barbara | |
| echte namme | ûnbekend | |
| nasjonaliteit |  Frânsk
| |
| berne | 7 maaie 1972 | |
| berteplak | Rouen (Normanje) | |
| stoarn | 2 desimber 2023 | |
| stjerplak | ûnbekend (Frankryk) | |
| etnisiteit | Frânsk
| |
| wurkpaad | ||
| wurksum as | neakenmodel, pornoaktrise, regisseur | |
| jierren aktyf | 1993 – 1999 | |
| offisjele webside | ||
| gjint | ||
Libben en karriêre
bewurkje seksjeDoll waard yn 1972 berne yn 'e Normandyske haadstêd Rouen. Hja waard yn 1993 ûntdutsen troch de Frânske pornoregisseur Pierre Woodman, wêrnei't hja datselde jiers noch, mei 21 jier, har debút makke yn in pornografyske film. Neitiid wurke se sawol yn 'e Jeropeeske as de Amerikaanske pornoyndustry.
Neffens de Internet Adult Film Database (IAFD) spile Doll yn totaal yn 124 pornofilms, hoewol't dêr inkele tsientallen lettere kompilaasjefideo's fan recycle materiaal tusken sitte. Yn Jeropa wurke se mei oan produksjes fan filmstudio's as it Sweedske Private, it Frânske Vidéo Marc Dorcel, it Dútske Videorama en Magmafilm en de Italjaanske Mario Salieri Entertainment Group. Yn 'e Feriene Steaten wie se yn 't spier foar û.o. Wicked Pictures, Vivid Entertainment, Digital Playground, Sin City, Anabolic Video, VCA Pictures, Legend Video, Metro, Leisure Time Entertainment en Coast to Coast Video.
Yn 1995 wûn Doll in Hot d'Or, de wichtichste doetiidske Jeropeeske pornografypriis, yn 'e kategory bêste Jeropeeske aktrise. Datselde jiers kaam har karriêre hast ta in ein doe't se oant twaris ta HIV-posityf test waard. In trêde, akkurate, test joech lykwols in negative útkomst. Njonken har aktearwurk wie Doll tusken 1995 en 1997 ek aktyf as regisseur, wêrby't se foar de Frânske studio Channel 69 seis pornofilms makke, te begjinnen mei French Roommate (1995) en dêrnei de fiifdielige rige Miss Anal. Yn 1999 loek Doll har út 'e pornoyndustry werom.
Barbara Doll kaam op 2 desimber 2023 yn 'e âldens fan 51 jier te ferstjerren oan kanker.[1]
Lichemsskaaimerken
bewurkje seksjeBarbara Doll Wie blank, mei blauwe eagen en blûn hier. Neffens har offisjele opjefte wie se ûnder har karriêre yn 'e pornoyndustry 1.67 m lang, mei in gewicht fan 54 kg, en in natuerlike kupmaat 38D. Behalven troch har earlellen hie se gjin piercings, en tatoeaazjes hie se allikemin.
Prizen en nominaasjes
bewurkje seksje| Jier | Priis | Resultaat | Kategory | Foar har optreden yn |
|---|---|---|---|---|
| 1995 | Hot d'Or | wûn | bêste Jeropeeske stjer | n.f.t. |
Literatuer
bewurkje seksje- Jennings, David, Skinflicks: The Inside Story of the X-Rated Video Industry, 2000 (AuthorHouse), ISBN 1 58 72 11 84X, s. 403-404.
Keppelings om utens
bewurkje seksje- (in) Biografy en filmografy fan Barbara Doll yn 'e Internet Movie Database (IMDb)
- (in) Biografyske gegevens en filmografy fan Barbara Doll yn 'e Internet Adult Film Database (IAFD)
- (in) Biografyske gegevens fan Barbara Doll op FreeOnes
| Boarnen, noaten en/as referinsjes: |
|