Boppard

Boppard is in stêd yn de Rhein-Hunsrück-Kreis yn de Dútske dielsteat Rynlân-Palts, dy't as gemeente yn syn hjoeddeistige foarm bestiet sûnt de bestjoerlike weryndieling fan 1975. De stêd telt 7.540 ynwenners (2019). Mei de doarpen dy't by de stêd Boppard hearre telt Boppard 16.115 (2021) ynwenners. Boppard is in wichtich toeristysk sintrum oan de Ryn en alle jierren ferwolkomt de stêd tûzenen gasten.

Boppard
Emblemen
Bestjoer
Lân	Dútslân
dielsteat	Rynlân-Palts
lânkring	Rhein-Hunsrück-Kreis
Sifers
Ynwennertal	15.403 (2021)
Oerflak	74,88 km²
Befolkingsticht.	206 ynw./km²
Hichte	82 m
Oar
Postkoade	56154
Tiidsône	UTC +1
Simmertiid	UTC +2
Koördinaten	50° 13'N 7° 35'E
Offisjele webside
boppard.de
Kaart

Lokaasje

Bopparder Hamm

De stêd leit oan de Midden-Ryn yn it sintrum fan it UNESCO-wrâlderfgoed Bopperin fan de Midden-Ryndelte. De eastlike grins fan de gemeente wurdt foarme troch de Rynigge. Lâns dizze natuerlike grins lizze mei de stêd ek de doarpen Bad Salzig en Hirzenach. Noardlik fan de stêd strekt him de grutste bocht fan de Ryn ut, de Bopparder Hamm, dêr't it grutste wynbouareaal fan dit diel fan de Ryn leit. De Vierseenblick jout in prachtich útsicht oer dizze bocht. Troch't de rotsen fan de Vierseenblick ôf it sicht op de Ryn foar in part weinimme liket it oft men útsjocht op fjouwer marren ynstee fan ien en deselde rivier. In oar plak dat in moai útsicht oer de Ryn biedt is de saneamde Gideonseck.

It stedsbosk mei in oerflak fan 43,6 km² is it op ien nei grutste bosk fan de dielsteat. Sûnt 1969 heart de stêd Boppard ta de lânkring Rhein-Hunsrück-Kreis.

Ortsbezirk	Ynwenners (2019*)
Boppard-Stêd mei it plak Buchenau	7.540
Bad Salzig	2.445
Buchholz mei it plak Ohlenfeld	2.777
Herschwiesen mei it plakje Windhausen	310
Hirzenach	272
Holzfeld	431
Oppenhausen	853
Rheinbay	206
Udenhausen mei it plakje Hübingen	531
Weiler	750

* ynklusyf ynwenners mei in twadde hûs (gegevens fan de Dútsktalige wikipedy)

Bysûnderheden fan Boppard

• It Römerpark mei de ruïnes fan Romeinske fêstingwurken út de 4e iuw.
• Yn de Âlde Boarch (Alte Burg) oan de wâl fan de Ryn is it Stedsmuseum ûnderbrocht.
• De Sint-Severustsjerke mei har dûbele tuorren mei har sûnt 2015 in basilyk neame.
• De Karmelitertsjerke oan de Karmeliterstraße waard yn de 14e en 15e iuw as in goatyske kleastertsjerke by it barokke kleaster boud. It ynterieur fan de tsjerke is ryk oan keunstwurken.
• It kleaster Marienberg is in stifting út likernôch 1120. It grutste monumint fan de gemeente stiet der lykwols slim fertutearze by en wachtet al jierren op in restauraasje.
• Oan de Pastorsgasse leit de protestantske Kristustsjerke.
• Oan de Bingergasse 35 stiet de eardere synagoge fan Boppard. Op it suden fan de Bingergasse stiet de Binger poarte.
• De kapel op 'e Kreuzberg waard tusken 1709-1724 as ûnderdiel fan in krektlyn restaurearre krúswei oprjochte, dý't oan de 346 meter lange Stationenweg leit.
• It eardere Fransiskaner kleaster mei de tsjerke oan de Franziskanerstraße datearret út de 17e-18e iuw.
• It eardere Sint-Martenskleaster oan de Mainzer Straße út de iere 16e iuw hat in grutte kleastertún.
• Ferspraat yn de stêd binne meardere fakwurkhuzen it besjen wurdich, benammen yn it gebiet om de Severustsjerke hinne.
• It museum beskikt oer in grut tal modellen fan de meubelmakker Thonet, dy't yn Boppard syn earste bedriuw begûn.

• 
  Muorwurk Romeinske fêsting
• 
  Âlde Boarch
• 
  Sint-Severustsjerke
• 
  Madonna oan de Karmeliterstraße
• 
  Fakwurkhuzen

Monuminten yn de gemeente Boppard

• Yn de gemeente Boppard stiet de boarch Schöneck yn Windhausen by Herschwiesen.
• De Bartoloméustsjerke mei de proasdijgebouwen yn Hirzenach
• De neo-goatyske Sint-Egidiustsjerke fan Bad Salzig
• De barokke Sint-Pancratiustsjerke fan Herschwiesen
• De Sint-Pitertsjerke fan Weiler

• 
  Boarch Schöneck by Windhausen
• 
  Bartoloméustsjerke fan Hirzenach
• 
  Pankratiustsjerke, Herschwiesen
• 
  Sint-Piter yn Weiler
• 
  Egidiustsjerke fan Bad Salzig

Keppeling om utens

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Boppard fan Wikimedia Commons.