Egbert-Jan Weeber

Egbert-Jan Weeber (Grins, 18 juny 1981) is in Nederlânsk tillefyzje- en filmakteur en live-dj fan Grinslânsk komôf.

Egbert-Jan Weeber
akteur
persoanlike bysûnderheden
echte namme	Egbert-Jan Weeber
nasjonaliteit	Nederlânsk
berne	18 juny 1981
berteplak	Grins (Grinslân)
etnisiteit	Nederlânsk
reg. identiteit	Nedersaksysk
jierren aktyf	2000 – no
offisjele webside
Egbert-Jan Weeber op Twitter

Libben en karriêre

Jonkheid en oplieding

Weeber waard yn 1981 berne yn Grins, en groeide op yn Haren. Hy folge al jong aktearlessen yn it Sintrum foar Keunst en Kultuer yn syn wenplak. Doe't er mei fjirtjin jier yn 'e Stedsskouboarch fan Grins in foarstelling (De Noorderlingen) seach fan 'e Foaroplieding Teäter, besleat er him daliks foar de oplieding oan te melden. Hy wie dêr in klasgenoat fan û.o. Dragan Bakema en Joris Smit.

Aktearkarriêre

Weeber wie foar it earst op 'e tillefyzje te sjen yn 2000, mei in roltsje yn 'e BNN-searje Finals. Yn 2001 krige er syn earste haadrol, te witten yn 'e tillefyzjefilm Uitgesloten, oer in jonge dy't útsletten wurdt út 'e mienskip fan Jehova's Tsjûgen. Foar dy rol waard Weeber nominearre foar in Gouden Keal. Yn 2002 wied er op it wite doek te sjen yn 'e manlike haadrol fan 'e film Oesters van Nam Kee. Dêrby wie syn froulike tsjinspiler Katja Schuurman. Syn rol yn 'e film Van God Los, út 2003, smiet him in twadde nominaasje foar in Gouden Keal op.

In byrol hie Weeber yn 'e film Anderland (2003), ûnder rezjy fan Arne Toonen, en yn 2008 hied er in gastrol yn in ôflevering fan 'e plysjesearje Flikken Maastricht. Oare rollen hied yn 'e jongereinfilm Anubis en het Pad der 7 Zonden (2008), as greve Rohan, en yn 'e dramarige De Troon (2010), as de njoggentjinde-iuwske Nederlânske kroanprins Willem. Yn 2010 wie Weeber ek te sjen yn 'e horrorfilm Sint, en yn 2012 spile er yn 'e muzikale dramasearje Moeder, Ik Wil bij de Revue fan Omrop MAX. Fan 2009 oant en mei 2011 hie Weeber in fêste rol as Bram Bakker yn 'e tillefyzjesearje Verborgen Gebreken.

Weeber oan 'e gong as dj op Mysteryland.

Foar de histoaryske film Michiel de Ruyter, út 2015, oer de histoaryske seeheld Michiel de Ruyter, wurke Weeber foar it earst gear mei regisseur Roel Reiné. Hy fertolke yn dy spektakelfilm de rol fan Willem III fan Oranje-Nassau, de kening-steedhâlder. Yn 2016 spile er yn 'e mei de MovieZone NFF Award bekroande film If the Sun Explodes. Yn 2018 wurke er op 'e nij gear mei Roel Reiné, doe't er yn dy syn twadde Nederlânske spektakelfilm, Redbad (oer de achtste-iuwske kening fan 'e Friezen mei deselde namme), de rol fan 'e kristlike sindeling en biskop Bonifatius op him naam.

Oar wurk

Njonken syn aktearkarriêre treedt Weeber al sûnt syn sechstjinde geregeldwei op as live-dj op muzykfestivals. Sa draaide er û.m. op Mysteryland en op it Amsterdam Dance Event. Yn 2005 presintearre Weeber boppedat as radio-dj it radioprogramma Spam op 'e stjoerder 3FM.

Filmografy

Filmografy as akteur
jier	titel	rol of funksje	opmerkings
tillefyzje
2000	Finals	Patrick	minysearje
2000	Russen	Eric Swinkels	gastrol; ôfl. No Police
2000	Baantjer	David Poppelier	gastrol; ôfl. De Cock en de Moord op de Margaretha
2001	Wet & Waan	Leo Paardekooper	gastrol; ôfl. Habeas Corpus
2001	Uitgesloten	Jonathan	tillefyzjefilm
2002	Polonaise	Barry	tillefyzjefilm
2002	Achttien	Koen	tillefyzjefilm
2002	The Legend of Bhagat Singh	ûnbekend
2002	Dunya & Desie	Bob	gastrol; ôfl. De Jongen en de Dood
2004	De Vloer Op	dûbluere	gastrol; ôfl. 3.3
2004	Bijlmer Odyssee	ûnbekend	tillefyzjefilm
2005	De Vloer Op	soan	gastrol; ôfl. Burgemeester in Nood/Darkroom/Ongewenste E-mail
2005	De Vloer Op	Wouter	gastrol; ôfl. Hondjes/Gemengd Huwelijk/Moeders
2005	Boy Meets Girl Stories #1: Smachten	ûnbekend	tillefyzjespecial
2005	De Vloer Op	man mei kanker	gastrol; ôfl. Moslimdonor/Huwelijkstherapie/Uitmaken
2007	Bomber	Roek	tillefyzjefilm
2008	Flikken Maastricht	Mark Huidekoper	gastrol; ôfl. Pillen
2009	Villa Achterwerk: The Popgroep	Bert	gastrol
2009	De Hoofdprijs	Tommy Vervoort	gastrol; ôfl. Niet Meer over Tobben
2009–2011	Verborgen Gebreken	Bram Bakker	fêste rol; 36 ôfl.
2010	De Troon	kroanprins Willem fan de Nederlannen (1840-1879)	minysearje
2011	Blijf!	Chris	tillefyzjefilm
2011	Seinpost Den Haag	Maik Hofman	minysearje; fêste rol; 10 ôfl.
2012	Feuten	Jurg van Ginkel	weromkearende rol; 7 ôfl.
2012	Moeder, Ik Wil bij de Revue	Bob Somers	minysearje
2014	Assepoester: Een Modern Sprookje	prins Lodewijk	tillefyzjefilm
2014	Bloedverwanten	David Maasland	weromkearende rol; 8 ôfl.
2015	Sunny Side Up	Daan	tillefyzjefilm
2015	Bagels & Bubbels	Rick van Langeveld	minysearje
2016	Op de Dijk	Johan	tillefyzjefilm
2017	Toon	himsels	gastrol; ôfl. Premiêre
2017	Voetbalmaffia	Robin Bruyn	minysearje
2019	Random Shit	René	gastrol; ôfl. Wie Dit Kijkt Heeft AIDS
2019	Stanley H.	Govert Kroon	minysearje
2019	Random Shit	man yn trailer	gastrol; ôfl.Fuifje; net fermeld op 'e ôftiteling
2019	Sinterklaasjournaal	Wout Reus	gastrol; ôfl. 19.20
2020	Commando's	Mark Passchaert	minysearje
2020	Commando's: The Mission	Mark Passchaert	tillefyzjefilm
2022	Diepe Gronden	Timon de Zwart	minysearje
films
2001	Necrocam	Xeno
2002	Oesters van Nam Kee	Berry
2003	Van God Los	Stan Meijer
2003	Vrijdag de 14e: Perspectiefcorrectie	Nick	koarte film
2003	Anderland	Horre	koarte film
2003	Kees de Jongen	Kees (24 jier)
2004	Koen!	Koen	koarte film
2004	Snowfever	Erik
2005	Flirt	Lex
2005	Eilandgasten	Walter
2007	Vivere	Snickers
2008	Alibi	Sander
2008	Anubis en het Pad der 7 Zonden	greve Rohan
2009	Bollywood Hero	Nick
2009	Het Leven uit een Dag	Vincent
2009	Geen Zin	Sam	koarte film
2010	Sint	Frank
2012	Brammetje Baas	master Mark
2013	Voorbij	Rob	koarte film
2014	Hartenstraat	Rein
2014	Wonderbroeders	Lucas Vlijmen
2015	Michiel de Ruyter	steedhâlder Willem III fan Oranje-Nassau
2016	Brasserie Valentijn	Frank
2016	If the Sun Explodes	Philippe
2016	Hoe het Zo Kwam dat de Ramenlapper Hoogtevrees Kreeg	Alfred
2016	Growth	man	koarte film
2017	Storm: Letters van Vuur	Jacob Proost
2017	Bella Donna's	Niels
2017	Salvatore	Stefan	koarte film
2017	Dikkertje Dap	David Dap
2018	Taal Is Zeg Maar Echt Mijn Ding	Timo
2018	Redbad	Bonifatius
2020	De Piraten van Hiernaast	Hector Donderbus
2020	Blauwe Maandag	Ben	koarte film
2021	Nr. 10	jonge preester #2
2022	De Piraten van Hiernaast: De Ninja's van de Overkant	Hector Donderbus

Keppelings om utens

• (ned) Egbert-Jan Weeber op Twitter
• (in) Folsleine filmografy fan Egbert-Jan Weeber yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: Bronnen, noten en/of referenties, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Egbert-Jan Weeber fan Wikimedia Commons.