Gemeenschapsmolen

De Gemeenschapsmolen oan 'e Gaasp by Driemond is in poldermûne út 1708. De mûne wurdt ek wol as Gaaspermûne oantsjut, mar de Gaaspermûne stie eartiids oan 'e oare kant fan it wetter en bemealle de polder Gein en Gaasp.

Gemeenschapsmolen nû. 1
mûne / mole
lokaasje
provinsje	Noard-Hollân
gemeente	Amsterdam
plak	Driemond
adres	Lange Stammerdijk 20
koördinaten	52°18' N 5°0' E
bysûnderheden
type mûne	muonts
funksje	poldermûne
flecht	26,5 m
boujier	1708
oare ynformaasje
eigner	Hoogheemraadschap Amstel, Gooi en Vecht
monumintale status	ryksmonumint
monumintnûmer	504564
Webside
gaaspermolen.nl
Kaart

Skiednis

De mûne waard foar de bemealling fan 'e Gemeenschapspolder boud. Dy polder bestie earder út in stik of wat lytse polderkes mei elts in eigen mûne, dy't ôfbrutsen binne nei't de hjoeddeiske mûne foltôge waard. It die lykwols bliken dat de nije mûne it net oan koe en op it stee fan 'e eardere wipmûne fan 'e Stammerpolder waard noch in mûne boud, dy't wer Stammermûne of Gemeenschapsmolen nû. 2 neamd waard.

Ynearsten wie de mûne útrist mei in skeprêd, dat yn 1892 ferfongen waard troch in fizel. Yn 1926 naam in gemaal de funksje fan 'e mûne oer en dêrby waard it boppediel fan 'e mûne ferwidere.

Om't foar de oanlis fan in bosk yn 'e polder it wetterpeil leger moast en it gemaal dat lege peil net oan koe, moast dat gemaal fernijd wurde. Sa ûntstie by de lânynrjochtingskommisje it útstel om it gemaal ôf te brekken en de mûne wer mealree te meitsjen.

Op 25 april 2003 waard de foar in grut part werboude mûne offisjeel troch de Amsterdamske boargemaster Job Cohen iepene. Yn 'e mûne waard ek in elektryske oandriuwing set foar as de waarsomstannichheden bemealling op wyn ûnmooglik meitsje.

Eigner fan 'e Gemeenschapsmolen is it Hoogheemraadschap Amstel, Gooi en Vecht. De mûne wurdt bewenne en is net iepen foar publyk.

Keppeling om utens

• Feriening De Hollânkse Mûne.

Boarnen, noaten en referinsjes

Boarnen, noaten en/as referinsjes:

Mûnedatabase. Commons Wikimedia Commons  Ofbylden dy't by dit ûnderwerp hearre, binne te finen yn de kategory Gemeenschapsmolen, Driemond fan Wikimedia Commons.