Het BrouwDOK

Havenbrouwerij Het BrouwDOK op de Nieuwe Willemskade yn Harns is miskien wol de iennichste bûtendykse brouwerij fan 'e wrâld. Der wurde eigen bieren broud dêr't eksperimintearje in ûnderdiel fan de fyzje is. Sa is der in Wadden gin makke fan it bier dat net ferkocht wurde koe yn koroanatiid. Ek is men op "ekspedysje" gien troch bieren te brouwen mei yngrediïnten út ferskate lannen. De dream is om it seewetter út de Waadsee as boarne te brûken foar de brouwerij. De brouwerij is oansletten by CRAFT.

Skiednis

Bierkarmaster Gerard Ypenga broude yn 2010 op in souderkeamer oan de Baarsjesweg yn Amsterdam bier ûnder de namme Better Wetter / Probieren. Yn 2012 waard de hannelsnamme wizige yn BrouwDOK (nei de Dokkade yn Harns) en waarden yn de nano-brouwerij fan Gerard, efter syn wenhûs, de earste kommersjele bieren broud. Troch romtegebrek ferhuze de brouwerij yn 2016 nei it Havenplein yn Harns, dêr't yn in âld Sineesk restaurant de brouwerij op 'e nij opboud waard, mei in priuwlokaal der by.

Yn 2017 is de brouwerij ferhuze nei in grutte loads, bûtendyks oan de râne fan de Waadsee. Healweis 2018 is der in folautomatyske 20 hektoliter brou-ynstallaasje ynstallearre, begjin 2019 is it priuwlokaal "Het Proefdok" offisjeel iepene foar publyk. Yn 2020 is de brouwerij útwreide mei ûnder oare 4 nije 20 hektoliter fergistingstanks.

Hjoed-de-dei

Yn 2021 waard it proeflokaal folslein ferboud; de earste ferdjipping jout in bjusterbaarlik útsjoch op it Waad en de haven mei de brune float.

By eltse brousesje wurdt der mar leafst 2000 liter bier broud, somtiden twa kear op in dei. Troch it tal fergistingstanks kin der algeduerigen broud wurde. Ek is it mooglik der bier nei eigen resept brouwe te litten.

The Passion waard yn 2023 opfierd yn Harns, wêrby it proeflokaal in haadrol spiele as lokaasje foar meardere televyzjeopnames. Spesjaal foar dizze Passion is de Passion IPA broud, dat allinnich op de taap te krijen wie.

Assortimint

Fêste bemanning

Amber (Captains Daughter) - amber ale
Slim Simmer - licht blond
Vlaams Paard - tripel
Wad Weizen - Weizen
Ype - IPA
Roerwerk - zwaar blond
Slagschip Triple Weizen
Bries - pils

Seeweardich bier

De Dokwerker - baltic porter
De Dude - imperial milk stout
Smook - Rauch Märzen

Seizoenkrêften

Bolder bock - dubbel bock
Chocolade stout - stout

Wurde net mear broud

De Dude Barrel Aged - waadripe yn de seeloft op fetten fan Heaven Hill en Chevas Regal
Hophûn - Belgian IPA
Sail 2022 - session IPA
Us Ale - American pale ale
Zeeson - saison
Spring aan wal - amber IPA
Noorderlicht - Farmhouse Ale (broud as collaboration brew mei brouwerij Baxbier út Grinslân, brouwerij Jonge Beer út Drinte en Hollands Hophuis)
De Schenker - mild ale
India Pale Ale (expeditie India)
Witte Swaen - witbier

Yn gearwurking mei oaren

Brasshopper - IPA (yn gearwurking mei de band Broken Brass)

Bieren yn opdracht

Good Bye Good Boii - ôfskiebier fan brouwer Leon Rodermond
It Lulke Wiif - Read & Hitsich foar Brouwerij De Freonskip
Ut Spiegeltsje - blond (yn opdracht fan Brasserie Spiegelaar yn Ljouwert)
Henri Willig bieren (yn opdracht fan tsiismakker Henri Willig yn Katwoude)
Potvis Spelt Blond foar Strandpaviljoen De Potvis yn Starum
Brout foar Stadsbrouwerij Sneek yn Snits
Brout De Toer triple foar Kleine Beer Brouwerij
Passion IPA
Balkster Spelt, Balkster Dubbel en Balkster Tripel - foar Supermerk PLUS Siemonsma yn Balk
Johannes Duhoux Dubbel - foar Restaurant Duhoux yn Wurdum
Bonno Duhoux Blond - foar Restaurant Duhoux yn Wurdum
Louis Duhoux Tripel - foar Restaurant Duhoux yn Wurdum
Brasshopper NEIPA - 10-jierrich jubileumbier fan de band Broken Brass
Pak 'm bij de Hals Frans Dubbel & Portret - projekt Match Rijksmuseum en gemeentemuseum Het Hannemahuis
Wad 'n Sjouwtsje Blond - foar it KNRM Stasjon yn Harns
Blonde Kip - foar kampeerterrein De Blauwe Haan yn Uffelte
Dutch Tulip bier - mei tulpebollen foar Dutch Tulip Beer
Sterke Yerke Blond - broud foar stipe oan ûndersyks- en omtinkenflot Sterke Yerke IV

Keppeling om utens

Webstek fan Het BrouwDOK