Kananaskisberchtme

It Kananaskisberchtme (Ingelsk: Kananaskis Range) is in berchtme yn it súdwesten fan 'e Kanadeeske provinsje Alberta. It makket diel út 'e Rocky Mountains. It berchtme is ferneamd nei de rivier de Kananaskis.

Kananaskisberchtme
berchtme
Gusty Peak yn it Kananaskisberchtme.
geografy
diel fan	Rocky Mountains
regio	súdwestlik Alberta
lân	Kanada
provinsje	Alberta
sifers
oerflak	±800 km²
lingte	44 km
breedte	25 km
heechste punt	Mount Galatea
hichte	3.185 m
geology
yndieling	heechberchtme
âldens	80 – 55 miljoen jr
stiensoarte	metamorf stiente e.o.
kaart
De lokaasje fan it Kananaskisberchtme (read omrâne) yn 'e Kanadeeske provinsje Alberta.

Geografy

It Kananaskisberchtme is in dielberchtme fan 'e Rocky Mountains, dat yn it súdwesten fan 'e Kanadeeske provinsje Alberta leit, oan 'e eastkant fan 'e grutte berchrige en westlik fan 'e rivier de Kananaskis. It Kananaskisberchtme strekt him fan noard nei súd út oer in lingte fan 44 km en is op it breedste punt 25 km breed. It oerflak bedraacht sa'n 800 km². It berchtme leit likernôch 70 km súdsúdwestlik fan Calgary, de haadstêd fan Alberta. It heechste punt yn it Kananaskisberchtme is de Mount Galatea, mei in hichte fan 3.185 m boppe seenivo.

It Kananaskisberchtme.

Geology

It Kananaskisberchtme ûntstie yn it Kryt en it Paleogeen, tusken 80 en 55 miljoen jier lyn. It stiente fan it berchtme is âlder. It meastepart, bestiet út metamorf stiente, dat foarme waard fanôf it Prekambrium, in geologysk tiidrek dat 1,7 miljard jier lyn begûn.

Heechste toppen

In protte fan 'e heechste berchtoppen yn it Kananaskisberchtme binne ferneamd nei marineskippen en persoanen dy't belutsen wiene by de Slach by Jutlân, in seeslach op 'e Noardsee yn 'e Earste Wrâldoarloch. De Mount Bogart is ferneamd nei D.B. Dowling (Bogart wie de famkesnamme fan syn mem en syn eigen middelnamme), dy't it Kananaskisberchtme yn 'e 1900-er jierren ferkende en yn kaart brocht yn opdracht fan it Geografysk Genoatskip fan Kanada.

De heechste toppen fan it Kananaskisberchtme binne (yn folchoarder fan ôfrinnende hichte):

• Mount Galatea (3.185 m)
• Wind Mountain (3.153 m)
• Mount Bogart (3.144 m)
• The Tower (3.124 m)
• Mount Sparrowhawk (3.121 m)
• Mount Lougheed (3.107 m)
• Mount Chester (3.054 m)
• Mount James Walker (3.035 m)
• The Fortress (3.000 m)
• Gusty Peak (3.000 m)
• Mount Inflexible (3.000 m)
• Mount Engadine (2.970 m)
• Mount Kidd (2.958 m)
• Mount Buller (2.805 m)
• Mount Lawson (2.795 m)
• Mount Kent (2.635 m)
• Mount Lorette (2.487 m)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Kananaskis Range fan Wikimedia Commons.