Madeara
Madeara (Portegeesk: Madeira) is in arsjipel yn de Atlantyske Oseaan, ûngefear 700 kilometer westlik fan Afrika en 1000 kilometer súdwestlik fan de Portegeeske kust. De eilannegroep bestiet út it haadeilân, dat ek Madeara hjit, en fierders Porto Santo en de mear nei it suden ta lizzende Ilhas Desertas en de Ilhas Selvagens. De arsjipel heart ta Makaroneezje, dat geografysk sjoen in diel fan Afrika is. Krekt as de fierder nei it noardwesten lizzende Azoaren foarmet Madeara in autonome regio binnen Portegal. De grutste stêd op Madeara en tagelyk de haadstêd fan de autonome regio is Funchal.
| Madeara | |
|---|---|
| Flagge | Wapen |
|
|
| Lokaasje yn Portegal | |
| |
| Algemien | |
| Haadstêd | Funchal |
| Oerflakte | 801 |
| Befolking | 267.785 |
| Befolkingstichtens | 308,5 |
| Oare ynformaasje | |
| Heechste punt | |
| Provinsjes | |
It klimaat op Madeara is tige myld (temperatuer leit meastentiids tusken de 16 en 22 °C.) en is fanwege de natoer, in protte bosken en bergen populêr by kuierders en natoerleafhawwers. Omdat de kust benammen út steile rotswannen bestiet en sânstrannen sawat net foarkomme, komt op Madeara gjin massatoerisme foar. De eilannen hawwe in fulkanyske oarsprong. De heechste berch is de Pico Ruivo (1862 m).
De bekendste spesjaliteit fan Madeara is de sterke wyn dy't nei it eilân ferneamd is. Utsein de Madeara wyn is it eilân ek bekend troch de espada; in lange swarte fisk dy't op in protte ferskillende wizen tamakke wurde kin.
Tige karakterisearre foar it eilân binne de protte eksoatyske blommen dy't yn it wyld foarkomme. It eilân wurdt dêrtroch ek wol it blommeneilân neamd. Bûten de Kanaryske Eilannen is Madeara it ienige plak dêr't de kanary yn it wyld foarkomt.
Madeara wurdt skaaimerke troch syn unike netwurk fan yrrigaasjekanalen, de levada's: smelle yrrigaasjekanalen dy't oer it hiele eilân troch de bergen hinne oanlein binne. Troch de steile noardkust, is de kolonisaasje fan it eilân begûn oan de minder steile súdkust, dêr't ek de haadstêd leit. It wetter waard fanút de bergen yn it noarden fia de levada's nei it relatyf skrokke suden brocht. Lâns de levada's waarden eartiids kuierpaden oanlein om't ûnderhâldswurksumheden makliker te meitsjen. Op guon plakken binne dizze paadsjes mar 20 sintimeter breed en rinne tichtby in steile ôfgrûn. Op oare plakken kinne sy wol 2 meter breed wêze. At je goed op de boerden lette en eventuele advizen fan de lokale befolking opfolgje, binne dy paden goed om te kuieren.
Bestjoerlike yndieling
bewurkje seksjeMadeara is opdield yn de folgjende gemeenten:
Fotogalery
bewurkje seksje-
Levada op Madeara -
Rûte nei de Pico do Arieiro -
Tonger boppe Garajau
Berne op Madezra
bewurkje seksje- Cristiano Ronaldo, Portegeesk fuotballer
|
Distrikten fan Portegal | 
|
|---|---|---|
| Aveiro - Beja - Braga - Bragança - Évora - Faro - Guarda - Leiria - Lisboa - Portalegre - Porto - Santarém - Setúbal - Viana do Castelo - Vila Real - Viseu | ||
| Autonome regio's: Azoaren - Madeara | ||
 ·  · 
| ||
| Jeropeeske Uny | 
| |
|---|---|---|
| Lidsteaten: Belgje • Bulgarije • Denemark • Dútslân • Eastenryk • Estlân • Finlân • Frankryk • Grikelân • Hongarije • Ierlân • Itaalje • Kroaasje • Letlân • Litouwen • Lúksemboarch • Malta • Nederlân • Poalen • Portegal • Roemeenje • Syprus • Sloveenje • Slowakije • Spanje • Sweden • Tsjechje | ||
| Ultraperifeare regio's: Frankryk: Frânsk-Guyana • Gûadelûp • Majot • Martinyk • Réunion • Sint-Marten Portegal: Azoaren • Madeara Spanje: Kanaryske Eilannen | ||
| Kandidaat-lidsteaten: Albaanje • Bosnje • Georgje • Moldaavje • Montenegro • Noard-Masedoanje • Oekraïne • Servje • Turkije | ||
| · ·
| ||