Mammoth Studios

De Mammoth Studios binne in studiokompleks yn Burnaby, in foarstêd fan Vancouver, yn 'e Kanadeeske provinsje Britsk-Kolumbia, dêr't de opnamen foar films en tillefyzjeprogramma's plakfine. It bedriuw waard yn 1999 oprjochte en is yn it besit fan deselde eigner as de North Shore Studios yn North Vancouver.

Mammoth Studios
algemien
nasjonaliteit	Kanadeesk
type	privaat
sektor	tillefyzje- en filmyndustry
fêstige yn	Burnaby (Britsk-Kolumbia)
oprjochte	1999
offisjele webside
mammothstudios.ca
kaart
Lokaasje yn 'e stêdekloft fan Vancouver.

Namme

De namme 'Mammoth Studios', dy't "Mammoetstudio's" betsjut, is wierskynlik ûntliend oan ien of alle fan 'e Hollywoodproduksjes dêr't in fiktive filmstudio mei dyselde namme yn foarkaam. De oantsjutting mammoth kin ek "tige grut" betsjutte, en sadwaande waard 'Mammoth Studios' yn 'e earste helte fan 'e tweintichste iuw yn Amerikaanske films en tillefyzjesearjes in generike namme foar in grutte filmstudio. Mammoth Studios kamen sadwaande foar yn films as Bombshell (1933), Abbott and Costello in Hollywood (1945) en Merton of the Movies (1947), en ek yn tillefyzjesearjes as The Beverly Hillbillies (1964-1971) en The Monkees (1966-1968).

Fasiliteiten

De Mammoth Studios binne ferdield oer twa perselen: Main ("Haad") en North ("Noard"). Main omfiemet trije soundstages fan 11.500 m², 8.500 m² en 3.400 m², mei dêropta 4.000 m² oan kantoarromte en 3.400 m² oan ûnderstypjende romte, bgl. foar wurkplakken, om dekôrs te bouwen. North hat noch twa soundstages, ien fan 1.900 m² en ien fan 1.500 m², mei dêrnjonken 2.050 m² oan wurkplakken, 1.900 m² kantoarromte en 1.200 m² berchromte.

Produksjes

Films

In seleksje fan films dy't alteast foar in diel yn 'e Mammoth Studios opnommen binne:

• The Santa Claus 2 (2002)
• X2: X-Men United (2003)
• The Chronicles of Riddick (2004)
• Fantastic Four (2005)
• X-Men: The Last Stand (2006)
• Night at the Museum (2006)
• Fantastic Four: Rise of the Silver Surfer (2007)
• Night at the Museum: Battle of the Smithsonian (2009)
• The A-Team (2010)
• Percy Jackson & the Olympians: The Lightning Thief (2010)
• Alvin and the Chipmunks: Chipwrecked (2011)

• Rise of the Planet of the Apes (2011)
• Man of Steel (2013)
• Percy Jackson & the Olympians: Sea of Monsters (2013)
• Night at the Museum: Secret of the Tomb (2014)
• The Revenant (2015)
• The BFG (2016)
• War for the Planet of the Apes (2017)
• Bad Times at the El Royale (2018)
• Deadpool 2 (2018)
• Sonic the Hedgehog (2019)

Keppelings om utens

• (in) Offisjele webside fan 'e Mammoth Studios

Boarnen, noaten en referinsjes

Boarnen, noaten en/as referinsjes:

Offisjele webside fan 'e Mammoth Studios References, op dizze side fan 'e Ingelsktalige Wikipedy