Ministearje fan Binnenlânske Saken en Keninkryksrelaasjes

It Nederlânske ministearje fan Binnenlânske Saken en Keninkryksrelaasjes, ôfkoarte ta BZK (Binnenlandse Zaken en Koninkrijksrelaties, is de opfolger fan it eardere ministearje fan Binnenlânske Saken (ôfkoarte ta BiZa). It taheaksel 'Keninkryksrelaasjes' hat te krijen mei de oerseeske ryksdielen Arûba, Kurasau en Sint-Marten, dy't foar 1998 ûnder it Kabinet foar Nederlânsk-Antiljaanske en Arûbaanske Saken foelen.

Ministearje fan Binnenlânske Saken en Keninkryksrelaasjes
BZK
Ministearje fan Binnenlânske Saken en Keninkryksrelaasjes
It hjoeddeiske gebou fan it ministearje.
It hjoeddeiske gebou fan it ministearje.
Funksjehâlders
Minister Hanke Bruins Slot
Hugo de Jonge (Folkshúsfesting en Romtlike Oardering)
Steatssikretaris Alexandra van Huffelen
Sikretaris-generaal Maarten Schurink
Skiednis
Oprjochte 12 maart 1798
Algemien
Lân flagge fan Nederlân Nederlân
Adres Turfmerk 147, De Haach
Offisjele webside

Politike liedingBewurkje

Yn it kabinet-Rutte III wie Kajsa Ollongren (D66) de minister en Raymond Knops (CDA) de steatssikretaris.
Yn it kabinet-Rutte IV is Hanke Bruins Slot (CDA) de minister, Hugo de Jonge (CDA) minister sûnder portefúlje (folkshúsfesting en romtlike oardering) en Alexandra van Huffelen (D66) de steatssikretaris.

KearntakenBewurkje

De wichtichste taken fan it ministearje fan Binnenlânske Saken en Keninkryksrelaasjes binne:

  • It ynstean foar de demokratyske rjochtssteat
  • De soarch foar in goed wurkjend iepenbier bestjoer
  • It ynstean foar de kwaliteit fan meiwurkers en bestjoerders yn 'e rykstsjinst
  • It bewaken fan 'e Grûnwet
  • It koördinearjen fan 'e gearwurkingsrelaasje mei Arûba, Kurasau en Sint-Marten
  • De soarch foar it konstitúsjonele steatsrjochtlike bestel
  • It slagjen fan partisipaasje en yntegraasje fan nije ynwenners
  • Gruttestêdebelied en befolkingskrimp
  • Wenningmerk (keap- en hiersektor, wêrûnder wenningkorporaasjes)
  • Hierbelied/hiertaslach
  • Boubelied
  • Rýksûnderkommen

Keppeling om utensBewurkje