Mullum is in doarp dat yn de gemeente Harns leit. Mullum leit noardeastlik fan Harns, westlik fan Hjerbeam, súdwestlik fan Winaam en súdeastlik fan de Waadsee. Op 1 jannewaris 2022 hie Mullum 610 ynwenners. De doarpskearn leit oan ferskate strjitten noardlik en súdlik fan de Harnzer Strjitwei.

Mullum
Sifers
Ynwennertal 610 (1 jannewaris 2022)
Oerflak 0,99 km², wêrfan:
- 0,98 km² lân
- 0,01 km² wetter
Befolkingsticht. 542 ynw./km²
Polityk
Lân Nederlân
provinsje Fryslân
gemeente Harns
Oar
Koördinaten 53° 10' N 5° 26' E
Offisjele webside
Side fan Mullum
Kaart
Mullum (Fryslân)
Mullum

De buorskippen De Blynse en Ungaboer hearre ek by Mullum.

Sûnt 1971 leit Mullum yn de gemeente Harns, dêrfoar lei it doarp yn sawol de gritenij as de gemeente Frjentsjerteradiel (sudertrimdiel).

Skiednis Bewurkje

De earste bewenners setten harren om it begjin fan de jiertelling hinne nei wenjen op in kwelderwâl. Letter waard de terp opsmiten, dy't op it heechste punt 4,85 meter is. De terp is foar in grut part ôfgroeven, dat oan de westlike kant goed te sjen is. Yn 1911 waard in sulverskat fûn mei in ring en likernôch 2000 sulveren munten út de 10e iuw. Alder binne 15 gouden munten, dy't yn 1925 fûn waarden en út de 6e iuw datearje.

Yn 1989 waard noardlik fan Mullum in brûnzen bokje fan 7,5 sintimeter heech fûn, dat datearret út de 1e of 2e iuw nei Kristus en yn It Hannemahûs yn Harns wurdt bewarre.[1] Om't by de oanlis fan de nije N31 de âlde terp rekke waard der súd fan Mullum yn 2016 earst argeologysk ûndersyk dien. It ûndersyk levere sân bonkerakken, fibula's, munten, skerven en oare resten op út de 8e oant 12e iuw.[2][3]

 
De tsjerke fan Mullum neffens de skilder Abraham Van Beerstraten

De oarspronklik oan Nikolaas fan Myra wijde tsjerke stiet midden yn it doarp op wat der fan de terp oer is. De tsjerke fan Mullum waard al yn de 12e iuw boud, mar yn de rin fan de tiid is der in soad oan feroare. Yn 1988 is de tsjerke fan binnen en bûten troch R. de Vries folslein renovearre. De tsjerketoer is yn 1999 restaurearre. Yn de noardmuorre sit noch in tichtmitsele "noarmannepoarte".

Tsjin de toersmuorre stiet noch in âlde, goed bewarre grêfstien mei in reliëf fan de yn 1879 ôfbaarnde houtseachmûne 'Houtlust' (ek: 'Landmanslust').[4] In oare houtseachmûne wie 'De Hoop', dy't oan de súdkant fan de Trekwei stie en yn 1908 ôfbrutsen waard.[5]

Oan it begjin fan de 19e iuw bestie Mullum allinne út de tsjerke mei in rychje hûzen oan de noardlike kant, in pear pleatsen en wat bedriuwen mei wentes oan de Trekwei. Nei de oanlis fan de rykswei feroare dat wat, mar fral sûnt de Twadde Wrâldkriich krige it doarp folle mear hûzen.

Mienskip Bewurkje

 
Doarpshûs De Spil

It doarpshûs "De Spil" stiet oan de Hopmanswei. Yn it op frijwilligers draaiende doarpshûs wurde in soad aktiviteiten organisearre.

Tsjerke Bewurkje

  De Wikipedy hat ek in side Nikolaastsjerke (Mullum).

Skoalle Bewurkje

De skoalle fan it terpdoarp hjit Middelstein.

 
Harnzerstrjitwei

Ferienings Bewurkje

Befolkingsferrin Bewurkje

Jier 1954 1969 2013 2022
Ynwenners 869 839 580 531
 
Tsjerkestrjitte

Berne Bewurkje

Ferskaat Bewurkje

  • Yn 2008 wûnen 5 Mullumers tagelyk in priis yn de postkoadelotterij.
  • Yn de jierren 1960 waard in monumintale kop-hals-romppleats út Mullum sloopt en yn it Nederlânsk Iepenloftmuseum fan Arnhim wer opboud.

Strjitten Bewurkje

Beatrixleane, Bernhardleane, Blynsewei, De Finne, Folkert Poststrjitte, Fonteinstrjitte, Frittemastrjitte, Harnzerstrjitwei, Haulewei, Hopmanswei, Julianaleane, Tsjerkestrjitte, Middelstein, Rykswei, Skieppedykje, Ungabuertsterwei, Van Harinxmastrjitte.

Sjoch ek Bewurkje

Boarnen, noaten en referinsjes Bewurkje

Boarnen, noaten en/as referinsjes:

 
Plakken yn de gemeente Harns
 
Stêd: Harns
Doarpen en útbuorrens: MullumWinaam
Buorskippen en wiken: AlmenumDe BlynseEasterparkFoarrypIeslumbuorrenKeningsbuertLudumRoptasyl (foar in part) • Ungaboer