Roc Books

Roc Books is in bekende ymprint fan 'e Penguin Group, ien fan 'e grutste Britske útjouwerijen. De ymprint makket ûnderdiel út fan harren Amerikaanske difyzje New American Library (NAL). Under de namme fan Roc Books wurde romans en novellen yn 'e sjenres science fiction en fantasy útjûn.

Roc Books
algemien
nasjonaliteit	Amerikaansk
type	privaat
sektor	útjouwerij
haadkertier	New York (New York)
oprjochte	1990
oprjochter	John Silbersack
eigner	Penguin Group
mem	New American Library
offisjele webside
www.penguin.com

Skiednis

Roc Books waard oprjochte yn april 1990, nei't Penguin-foarsitter Peter Mayer opdracht jûn hie oan John Silbersack, in haadredakteur by de New American Library, om in nije ymprint te begjinnen dy't mear oandacht lûke soe foar de oanwêzigens fan 'e útjouwerij op 'e science fiction- en fantasymerk. De namme, dy't referearret oan 'e rok, de reuseftige mytyske rôffûgel fan it Arabysk Skiereilân, waard keazen fanwegen it feit dat Penguin al ferskate ymprints mei fûgelnammen hie, lykas Penguin ("pinguin"), Puffin ("seepappegaai"), Pelican ("pillekaan") ensfh.

Nei't Penguin de Amerikaanske útjouwerij G.P. Putnam's Sons oernommen hie, waard Roc Books lykstrekich opset mei de Putnam-ymprint Ace Books, dêr't boeken fan deselde sjenres ûnder útjûn wurde. It tiim redakteurs en útjouwers dat de publikaasjes ûnder de Ace-ymprint fersoarget, is itselde dat dat ek docht foar Roc, hoewol't de beide ymprints fierders folslein selsstannich bleaun binne.

Roc Books hat grutte nammen yn science fiction en fantasy útjûn, wêrûnder Isaac Asimov, Carol Berg, Anne Bishop, Jim Butcher, Diana Pharaoh Francis, Guy Gavriel Kay, E.E. Knight, Juliet Marillier en Dennis L. McKiernan.

Keppelings om utens

• (in) Offisjele webside fan 'e Penguin Group, dêr't Roc Books ûnder falt

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.