Sniehinnen
De sniehinnen (wittenskiplike namme: Lagopus) foarmje in skaai fan 'e klasse fan 'e fûgels (Aves), it boppeskift fan 'e goes- en hineftigen (Galloanserae), it skift fan 'e hineftigen (Galliformes), de boppefamylje fan 'e fazantfûgels (Phasianoidea), de famylje fan 'e fazanteftigen (Phasianidae), de ûnderfamylje fan 'e echte fazanten (Phasianinae) en de tûke fan 'e rûchpoathinnen (Tetraonini).
| sniehinnen | ||
| ||
| In Alpensniehin (Lagopus muta). | ||
| Taksonomy | ||
| ryk: | dieren (Animalia) | |
| stamme: | rêchstringdieren (Chordata) | |
| ûnderstamme: | wringedieren (Vertebrata) | |
| klasse: | fûgels (Aves) | |
| ûnderklasse: | moderne fûgels (Neornithes) | |
| tuskenklasse: | nijkakigen (Neognathae) | |
| boppeskift: | goes- en hineftigen (Galloanserae) | |
| skift: | hineftigen (Galliformes) | |
| boppefamylje: | fazantfûgels (Phasianoidea) | |
| famylje: | fazanteftigen (Phasianidae) | |
| ûnderfamylje: | echte fazanten (Phasianinae) | |
| tûke: | rûchpoathinnen (Tetraonini) | |
| skaai: | sniehinnen (Lagopus) | |
| Brisson, 1760 | ||
Beskriuwing bewurkje seksje
Dit skaai omfettet trije soarten, dy't yn Jeraazje en Noard-Amearika foarkomme en libje op 'e toendra en yn it heechberchtme. As skaai waarden de sniehinnen yn 1760 yn 'e taksonomy yntrodusearre troch de Frânske soölooch Mathurin Jacques Brisson. Dyselde stalde de wittenskiplike namme gear út twa Aldgrykske wurden: λαγος, lagos, dat "hazze" of "knyn" betsjut, en πους, pous, dat "foet" betsjut. De oantsjutting "hazzepoat" is in ferwizing nei de befearre poaten en teannen dy't karakteristyk binne foar sniehinnen, en dy't Brisson nei't it skynt de swier behierre poaten fan hazze-eftigen út kâlde kontreien yn 't sin brochten, lykas de Amerikaanske hazze (Lepus americanus). In oare oanpassing fan 'e sniehinnen is dat se hjerstmis by it ferfearjen foar it winterhealjier har brune kleur ferruilje foar in wyt kleed, sadat se net opfalle tsjin in snieïge eftergrûn.
Soarten bewurkje seksje
|
De Skotske sniehin (Lagopus lagopus scotica) waard foarhinne as in selsstanige soarte beskôge, mar wurdt no troch hast alle ornitologen yndield as in ûndersoarte fan 'e moerassniehin (Lagopus lagopus). Njonken dizze libbene soarten binne der ek noch twa fossile soarten bekend:
- Lagopus atavus (ier oant let Plioseen fan Bulgarije)
- Lagopus balcanicus (let Plioseen fan Bulgarije)
| Boarnen, noaten en/as referinsjes: | ||
|
Foar boarnen en oare literatuer, sjoch ûnder: References, op dizze side.
|
