Strjitten yn Haskerdiken

De Strjitten yn Haskerdiken:

Register: A - B - D - E - F - G - H - I - J - K - L - M - N - O - P - R - S - T - U - V - W - Y

B

• Boarnegoa - yn de 14e iuw besloech Boarnegoa de gritenijen Haskerlân, Utingeradiel en Aenjewier, it streamgebiet fan de rivier De Boarn.

D

• Deelspaad - nije namme, ferwiist nei feangebiet De Deelen en it kanaal It Deel. Ek it doarpshûs It Deelshûs is hjirnei neamd.
• Deelswâl - neamd nei de súdwestlike ouwer fan de Hearresleat, tusken it tolhûs dêroan en in buorskip Twahûs.
• Doarpsstrjitte - foar safier't der in doarp oan te wizen is, dit diel fan Haskerdiken

H

• Hellingpaad - Oan de ein fan de dyk siet eartiids in helling. Lêste hellingbaas wie Rienk Bouwhuis.

K

• Kapellewei - nei de kapel út 1818 op de fûneminten fan it Hasker Konvint. Dit konvint fan it Augustiner kleaster waard yn 1429 foar in part fernield by gefjochten tusken Skieringers en Fetkeapers, en in 1575 hielendal fernield waard.
• Konvintspaad - nei it Hasker Konvint, in kleaster dat boud waard op it plak dêr't de hearremyt Sillige Dodo syn kluzenerssel boude.

R

• Ryksstrjitwei - wei Ljouwert-Meppel. Opdracht ta de bou barde troch Kening Willem I yn 1827. Letter ferbrede ta A27 en yn 1999 ta fjouwerbaansdyk. (Sjoch ek:Ryksstrjitwei)

S

• Sythústerfjild - komt fan 'Sythuzen'.
• Spitsendyk - Namme Spitsendyk bestiet net mear. Ofkomst ûnwis: soe mooglik fan de Giterske namme 'spits' komme kin of fan in lân wat op in punt útrint.
• Stobbegeasterpaad - paad nei de pont dy't nei Stobbegat farde.
• Sythuzen - fan de âlde namme "Zithahwsen": 'fan Site syn famylje'.

T

• Tolvepaad - leit yn in stik lân dat De Tolve hjit en dus 12 pûnsmiet grut wie.

V

• Van Sminiawei - ek: "Krom Haskerdiken' neamd. Doe't de wei nei de oarloch ferhurde waard krige it de namme fan Van Sminia. Dy boargemaster fan Utingeradiel siet yn it ferset en kaam nei syn arrestaasje net werom.