Tor Books

Tor Books is fierwei de bekendste ymprint fan 'e Amerikaanske útjouwerij Tom Doherty Associates, LLC út New York, dy't him benammentlik spesjalisearret yn 'e publikaasje fan romans en novellen yn 'e sjenres science fiction en fantasy. Oarspronklik wie Tom Doherty Associates in selsstannige útjouwerij, dy't yn 1980 oprjochte waard troch útjouwer en redakteur Tom Doherty. Yn 1987 waard it bedriuw lykwols oernommen troch St. Martin's Press, in difyzje fan 'e Britske útjouwerij Macmillan Publishers, dy't sûnt 1999 folslein yn eigendom is fan it Dútske útjouwersconcern Verlagsgruppe Georg von Holtzbrinck GmbH.

Tor Books
algemien
nasjonaliteit	Amerikaansk
type	privaat
sektor	útjouwerij
haadkertier	New York (New York)
oprjochte	1980
oprjochter	Tom Doherty
eigner	Macmillan Publishers
mem	Tom Doherty Associates
offisjele webside
us.macmillan.com/TorForge

Al hiel gau nei de oprjochting ferovere Tor Books in wichtich part fan 'e merk yn syn sjenres. De rol dy't Tor yn 'e science fiction- en fantasy-literatuer spilet, hat erkenning krigen trochdat de útjouwerij sûnt 1988 elts jier de priis foar de bêste science fiction-útjouwer fan it gesachhawwende Locus Magazine wûn hat.

Tor hat grutte nammen yn 'e science fiction en fantasy útjûn, lykas Jacqueline Carey, David B. Coe, Glen Cook, Kate Elliott, Jennifer Fallon, Elizabeth Haydon, Robert Jordan, Mercedes Lackey, Jane Lindskold, Juliet Marillier, R.A. Salvatore, Brandon Sanderson en Jo Walton.

Ymprints

Njonken Tor Books beslacht Tom Doherty Associates noch in tal oare ymprints:

• Forge Books: mainstream-boeken en militêre skiednis
• Orb Books: science fiction- en fantasy-werprintingen
• Paranormal Romance: paranormal romance
• Starscape: berne-science fiction
• Tor Teen: science fiction en fantasy foar teenagers
• Tor/Seven Seas: manga's

Keppelings om utens

• (in) Offisjele webside fan Tor Books en Forge Books

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.