Wurdian
| Wurdian | |
|---|---|
| Wurdian_Logo.png | |
|
| |
| Untwikkelder | Quixotic Apps |
| Meast resinte ferzje | 3.8.3/ iOS: 23 maaie 2021 Android: 21 maaie 2021 |
| Kategory | Wurdspul |
| Webstee | https://www.wurdian.com/ |
Wurdian is in online fariant fan it boerdspul Scrabble, te spyljen op iOS- en Android-apparaten.[1] De app is ûntwikkele troch de Nederlander Ronald van den Berg. Nei syn ôfstudearjen yn ynformatika yn Grins die Van den Berg postdokûndersyk oan it Baylor College of Medicine yn Houston en oan ’e universiteit fan Cambridge. Hy wurket no oan ’e Universiteit fan Stockholm.[2] De namme Wurdian komt fan it Fryske ‘Wurd’. Yn gearwurking mei de Afûk ûntwikkelen Jelle Besseling en Ronald van den Berg fan beide taalspultsjes in offisjele Fryske fariant. Spesjaal foar de Fryske ferzje binne bysûndere lettertekens as ê, â en ú, dy ’t yn it Frysk brûkt wurde, as ekstra letters tafoege.[3] It spul ferskynde yn 2021 en hat in dikke 100.000 registrearre spilers.
Spulregels
bewurkje seksjeDe regels fan Wurdian lykje op dy fan Scrabble en Wordfeud, yn safier dat spilers wurden foarmje op in 15-by-15 boerd en hat it standert boerd bonusfekjes dy’t de wearde fan in spile letter of in spile wurd ferdûbelje of fertrijefâldigje. Foar in ‘bingo’ (it spyljen fan alle sân letters) wurde by dit spul 45 bonuspunten takend.
Wurdian hat lykwols ek in tal opfallende ferskillen mei Scrabble. Sa kriget elke spiler presys ien joker per spul, is der foar elke spiler ien gratis ruil en is der in fêste bonus fan 25 punten foar dejinge dy ’t as earste syn of har plankje leech spilet (ûnôfhinklik fan de wurdearring fan de oerbleaune letters fan de tsjinstanner). It spul hat in ‘lêste omloop’ wêryn’t oare spilers noch ien beurt hawwe neidat de earste spiler út is. At it harren yn dy beurt slagget om harren boerdsje fuort te spyljen, krije se 10 bonuspunten.
It meast opfallende ferskil mei Scrabble is dat it spul spile wurde kin mei in saneamde ‘langewurdebonus’, wêrmei't spilers leanne wurde foar it lizzen fan langere wurden.
It spul kin spile wurde mei 2-4 spilers tagelyk en mei ferskillende spylsnelheden: fan 90 sekonden oant 72 oere per set.[4]
Toernoaien
bewurkje seksjeWurdian jout spilers de mooglikheid om diel te nimmen oan toernoaien wêryn ’t hja harren feardichheden mjitte kinne mei oaren. Yn dizze toernoaien spilet elke dielnimmer in partij tsjin elke oare spiler en wurdt der in ranglist byholden op basis fan de spulútslaggen. Foar in wûne partij krijt de spiler 3 punten, foar in lykspul 1 punt.
Elke spiler kin in toernoai oanmeitsje en is dan de host fan it toernoai. De host hat ferskate ynstellingsmooglikheden:
- Oan it toernoai kinne tusken de 2 en 20 spilers meidwaan.
- De setdoer kin ynsteld wurde op 12, 24, 48, of 72 oere per set.
- Neist it spyljen is it mooglik om yn de app mei-inoar te tsjetten.
- De host kin kieze oft it toernoai mei of sûnder de langewurdebonus spile wurdt.
- Der kin keazen wurde út in standert boerd, in willekeurich boerd of in oanpast boerd.
- Toernoaien kinne as iepenbier of besletten ynsteld wurde. By besletten toernoaien noeget de host sels spilers út en by iepenbiere toernoaien kin de host in ynterfal foar de feardichheidsskoare ynstelle, sadat allinnich spilers mei in feardichheidsscore binnen dat ynterfal har oanmelde kinne.
Gameskaaimerken
bewurkje seksjeBy Wurdian is it sa dat sawol de kleuren fan it boerd as de bonusfekjes nei eigen smaak feroare wurde kinne, wêrtroch ’t der bygelyks in boerd mooglik is sûnder bonusfekjes. Under it spyljen is der te sjen hokker letters der noch oer binne (dêrtroch hoege der gjin letters teld te wurden) en kinne wurdbetsjuttings toand wurde troch op in wurd te klikken of dizze op te sykjen middels in checkknop. Dizze knop jout ek oan oft in wurd jildich is foardat it lein wurdt (los fan waans beurt it is), hoe faak in wurd lein is en kinne mei dyselde knop wurdsuggestjes yntsjinne wurde. Neist dy knop is der ek in replayknop wêrmei’t weromsjoen wurde kin nei diene setten.
Oare spulskaaimerken binne dat de spilers standert harren tsjet út sette kinne foar minsken dy’t net op harren freonelist steane, chatte kinne mei meispilers yn in mienskiplike tsjet en dat der gjin bots ynset wurde. As lêste biedet Wurdian elke dei nije puzels oan, wêrby ’t spilers trije bingo's of in 15-letterwurd fine moatte.
Talen
bewurkje seksjeYn Wurdian binne in oantal teleferzjes te finen. Bûten Nederlânsk, Ingelsk en tsien oare Europeeske talen, hat de app ek in Fryske[5][6] en Afrikaanske fariant en is der yn desimber in Top 2000-taalfariant. Hjirby kinne (dielen fan) lietsjes fan de Top 2000 spile wurde.
| Boarnen, noaten en/as referinsjes: |
|
| Taalpuzels | |
|---|---|
|
anagrampuzel
• drûdel
• filippine
• hertpuzel
• hynstesprong
• kryptogram
• krúswurdpuzel
• paspuzel
• pazurgo
• pentagrampuzel
• petpuzel
• rebus
• sânglêspuzel
• scrabble
• sitaatpuzel
• slashpuzel
• spiraalpuzel
• Sweedske puzel
• taartpuzel
• trochrinner
• weefpuzel
• wordfeud
• wurdfrissel
• wurdian
• wurdl
• wurdljedder
• wurdriuwen
• wurdsiker
| |