Echte ara's

Echte ara's (Ara) binne in fûgelskaai fan 'e famylje fan 'e Pappegaaien fan Afrika en de Nije Wrâld (Psittacidae). Se libje yn Súd-Amearika en Midden-Amearika. Oer de omfang fan it skaai bestiet sûnt lang gjin ienriedigens. Neffens de lêste konsensus falle ûnder it skaai noch acht besteande soarten. Twa soarten binne útstoarn.

Echte ara's
reade ara, blaugiele ara, soldate-ara.
Taksonomy
ryk:	dieren (Animalia)
stamme:	rêchstringdieren (Chordata)
ûnderstamme:	wringedieren (Vertebrata)
klasse:	fûgels (Aves)
skift:	pappegaai-eftigen (Psittaciformes)
boppefamylje:	pappegaaien of echte pappegaaien (Psittacoidea)
family:	pappegaaien fan Afrika en de Nije Wrâld (Psittacidae)
ûnderfamylje:	arafûgels (Arinae)
tûke:	ara's (Arini)
Lacépède, 1799

It wurdt ara is lânseigen en in klankimitaasje út de rop fan 'e fûgels. Dy typyske lûden binne allinne eigen oan 'e gruttere soarten. It skaai waard foar it east definiearre troch de Frânske natoerûndersiker Bernhard Germain de Lacépède yn 1799.

Algemien akseptearre soarten

Alle arasoarten geane yn oantallen efterút of wurde bedrige. Fan trije is de wylde populaasje sa lyts, dat se grut gefaar rinne út te stjerren.

List fan echte ara's

Echte Arasoarten
Ofbyld	wittenskiplike namme	Fryske namme	Status
	Ara ambiguus	grutte soldate-ara	krityk
	Ara ararauna	blaugiele ara	net bedrige
	Ara chloropterus	grienwjukara	net bedrige
	Ara glaucogularis	blaukielara	krityk
	Ara macao	reade ara	net bedrige
	Ara militaris	lytse soldate-ara	gefoelich
	Ara rubrogenys	readwangara	krityk
	Ara severus	dwerchara	net bedrige
	Ara tricolor	Kubaanske ara	útstoarn
gjin ôfbyld oanwêzich	Ara autocthones	Portorikaanske ara	útstoarn

Hypotetyske soarten

Ara's waarden al foar de komst fan Europeanen troch de lânseigen folken fan Súd-Amearika nei Karibyske eilannen transportearre. De Paleo-Amerikanen joegen op de fûgels foar it fleis en de fearren en hannelen yn 'e fûgels. Se joegen inoar en letter ek Kristoffel Kolumbus ara's as geskink. Dêrom is it lestich fêst te stellen of de eartiidske fermeldingen fan ara's op dy eilannen endemyske soarten wiene of dat it om ynfierde fûgels gyng.

Der soene teminsten trettjin Karibyske útstoarne soarten ara's west ha. Fan mar trije soarten dêrfan binne resten oerbleaun: de Kubaanske ara (Ara tricolor), de Gûadelûpara (Ara guadeloupensis) en de Porto Rikaanske ara (Ara autocthones; ek: Saint Croix-ara). Foar sa fier se bestean ha, binne alle arasoarten op 'e Kariben útstoarn.

Njonken dy trije bekende soarten binne der ek hypotetyske soarten, dy't allinne bekend binne fan rapporten en ferslaggen. In oantal fan dy soarten waarden oan it begjin fan 'e 20e iuw troch Walter Rothschild neamd en krigen in namme.

Der waarden ek oare soarten neamd, mar de measten krigen nea in wittenskiplike namme.

List fan hypotetyske soarten ara's

Hypotetysk útstoarne soarten
Ofbyld	wittenskiplike namme	Fryske namme	Ferspriedingsgebiet
	Ara erythrocephala	Readkopara	Jamaika
	Ara gossei	Jamaikaanske reade ara	Jamaika
	Ara martinica	Martinyk-ara	Martinyk
	Ara atwoodi	Dominika-ara	Dominika
	Ara guadeloupensis	Gûadelûpara	Gûadelûp

Boarnen, noaten en referinsjes

Boarnen, noaten en/as referinsjes:

Sjoch foar boarnen en referinsjes op: en:Ara (bird) Commons Wikimedia Commons  Ofbylden dy't by dit ûnderwerp hearre, binne te finen yn de kategory Ara fan Wikimedia Commons.