Iepen Frysk Kampioenskip Jeu de Pelote

It Iepen Frysk Kampioenskip Jeu de Pelote is in sportevenemint foar senioaren dat elts jier om mids juny hinne plakfynt op it doarpsplein fan it Fryske doarp Easterlittens. Jeu de pelote is keatsen sa't dat yn Belgje dien wurdt, mei in justje swierdere keatsbal (fan 50 g), in smeller "fjild" mei ûndergrûn fan klinkerts of asfalt en partoeren fan elts fiif keatsers. It IFK Jeu de Pelote, sa't de wedstryd faak ôfkoarte wurdt, bestiet sûnt 1999, en wurdt organisearre troch de Easterlittenser Keatsferiening Onder Ons. De wikselpriis is "It pealtsje fan Easterlittens".^{[boarne nedich]} Yn 2018 waard it 20-jierrich bestean fan it evenemint fierd.

Iepen Frysk Kampioenskip Jeu de Pelote
Ympresje fan it kampioenskip yn 2004.
plak en tiid
lân	Nederlân
provinsje	Fryslân
gemeente	Ljouwert
plak	Easterlittens
holden yn	doarpsplein
tiid fan it jier	mids juny
bysûnderheden
ôfkoarting	IFK Jeu de Pelote
soarte evenemint	sport (keatsen)
bestean	1999 – no
org. troch	Keatsferiening Onder Ons

Dielname en organisaasje

Dielname oan it Iepen Frysk Kampioenskip stiet iepen foar ôfdielings fan de KNKB út Fryslân en om utens.^{[boarne nedich]} It kampioenskip wurdt foar it grutste part ôfwurke yn de buorren fan Easterlittens. As it wedstrydskema soks needsaaklik makket, wurdt der ek wol spile op de pelotebaan fan de KNKB yn Frjentsjer en op de pelotebaan yn Minnertsgea.^{[boarne nedich]}

Yn 2005 is it tal te spyljen partijen werombrocht troch de sterkste partoeren te setten foar de 2e omloop en de minder achte partoeren foarrûnden keatse te litten, lykas ek by bygelyks tennistoernoaien wol dien wurdt. Dêrtroch kinne alle partijen yn Easterlittens spile wurde.^{[boarne nedich]}

Trochinoar komme op it IFK Jeu de Pelote sa'n 200 oant 250 man publyk ôf, mei útsjitters nei 400. Nei de oergong fan Easterlittens de Gemeente Ljouwert, per 1 jannewaris 2018, krige de organisaasje te meitsjen mei strangere regels oangeande lûdsoerlêst (net mear as 85 db) en hegere kosten foar fergunnings.

Winnerslist fan it Iepen Frysk Kampioenskip Jeu de Pelote

• 1999 - Easterlittens
• 2000 - Easterlittens
• 2001 - Minnertsgea
• 2002 - Minnertsgea
• 2003 - Arum
• 2004 - Easterlittens
• 2005 - Ljouwert
• 2006 - Berltsum
• 2007 - Berltsum
• 2008 - Berltsum
• 2009 - Wjelsryp
• 2010 - Easterlittens
• 2011 - Dronryp
• 2012 - Wommels
• 2013 - Wytmarsum
• 2014 - Winsum
• 2015 - Wommels
• 2016 - Easterlittens
• 2017 - Easterlittens
• 2018 - Ljouwert
• 2019 - Ljouwert

Boarnen, noaten en referinsjes

Boarnen, noaten en/as referinsjes: