Peize
Peize (Drintsk: Paais) is in esdoarp[1] yn it noarden fan de provinsje Drinte, ûngefear tsien kilometer súdlik fan de stêd Grins.
| Peize | |
|---|---|
 Peize (read) en doarpsgebiet (roze)
| |
| Flagge | Wapen |
|
|
| Polityk | |
| Lân |  Nederlân
|
| Provinsje |  Drinte
|
| Gemeente |  Noardenfjild
|
| Sifers | |
| Ynwennertal | 5.525 (2020) |
| Oar | |
| Tiidsône | UTC +1 |
| Simmertiid | UTC +2 |
| Webside | Doarpsside |
Oant 1 jannewaris 1998 wie Peize in selsstannige gemeente. Nei de gemeentlike weryndieling fan Drinte makket it diel út fan de gemeente Noardenfjild. Tsjintwurdich is Peize in forinzedoarp mei sterke oriïntaasje op de stêd Grins.
It tal ynwenners (ynklusyf Altena, Peizermiede en Peizerwâlde) is 5.525 (2020).
Hoptylt
bewurkje seksjeEartiids wie it in typysk Drintsk boeredoarp mei benammen mingde bedriuwen. Yn de sechtjinde en santjinde iuw stie it doarp bekend om it kweken fan hop, benammen brûkt foar it biermeitsjen yn de stêd Grins. De hopbel wie it byldmerk yn it gemeentewapen. De namme hop komt o noch foar yn ferskate nammejouwings lykas Hoppekampwei, feriening De Hopruters, âldereinsintrum De Hoprank en wykblêd de Hopbel.
Ta learing en ferdivedaasje is troch in groep frijwilligers in oantal saneamde hopkûlen ynrjochte. Dit 'libbene museum' leit oan it fytspaad dat útkomt op de Hoppekampwei en toant de klassike hoptylt.
Om in byld te jaan fan de grutte fan de hoptylt yn Peize en omlizzende doarpen: út grûnskattingsregisters fan 1650 blykt dat 54% fan alle hoptylt yn Noard Drinte barde yn Peize. Elke boer yn Peize die mei oan de hoptylt, fjouwer fan harren dienen neat oars. It gemiddeld oantal "hopkûlen" de kweker lei op 1043 (in hopkûle is in omwâle perkje fan 1 m² wêrbinnen in oantal hopplanten tsjin hege peallen of staken omheech groeie).
Yn de earste helte fan de njoggentjinde iuw wie de hoptylt hast hielendal ferdwûn.
It besjen wurdich
bewurkje seksje- Hoptún.
- Ten noarden fan it doarp, ûnder de reek fan de stêd Grins leit it natoergebiet de Peizer- en Eeldermieden.
Tsjerke
bewurkje seksje
De Wikipedy hat ek in side Jehannestsjerke (Peize).
De Jehannestsjerke is in midsiuwske tsjerke út de 13e iuw. Yn dy tsjerke stiet in oargel út de 17e iuw, boud troch A. Verbeeck en letter feroare troch Arp Schnitger en Albertus Antoni Hinsz. It oargel is yn 1862 troch P. van Oeckelen fan de Pepergasthústsjerke yn Grins oerpleatst nei Peize.
Paiser Meul
bewurkje seksje- De Wikipedy hat ek in side Paiser Meul.
De Paiser Meul is regelmjittich yn gebrûk foar it meallen fan nôt en ein 19e iuw en mei selsswichting. Eastlik fan it doarp stiet in restaurearre Amerikaanske wynmotor.
-
De 13e-iuwske Jehannestsjerke -
Earder gemeentehûs (2013) -
Paiser Meul -
Peizerwold (2006)
Sport en rekreaasje
bewurkje seksje- It Iepenlofstswimbad is yn de sechtiger jierren boud en wurdt sûnt 1988 troch in grutte groep frijwilligers yn stân hâlden.
Bekende Nederlanners berne of wenjend yn Peize
bewurkje seksje- Warmolt Tonckens (22 novimber 1848), jurist en gûverneur fan Suriname.
- Wytske van Dijk-Meindersma (Wânswert 11 febrewaris 1902 - Peize 10 novimber 2010), nei it ferstjerren fan Bertha van Hasselt in skoftke de âldste ynwenner fan Nederlân.
- Harmen Siezen, eks-nijslêzer.
- Gerard Kemkers, trainer en eks-rider.
| Boarnen, noaten en/as referinsjes: | ||
|
|
|
Noardenfjild |
|
|---|---|---|
| Doarpen: Roan • Altena • Feanhuzen • Ien • Langelo • Leutingewolde • Lieveren • Nietap • Nij-Roan • Noarch • Peest • Peize • Peizermade • Roaneries • Roanerwâlde • Steenbergen • Westervelde • Zuidvelde | ||
| Buorskippen: Allardseach (foar in part) • Alteveer • Amerika • Boerlaan • Ien-West • De Streek • Foxwolde • Huis ter Heide • Klunderveen • Matsloot • Norgerfeart (foar in part) • Oostindië (foar in part) • Peizerwold • De Pol • Sandebuur • Terheijl | ||
 ·  · 
| ||