Sosha Duysker

Sosha Duysker (Amstelfean, 4 septimber 1991) is in Nederlânsk presintatrise, ferslachjouster en aktrise. Hja wurket foar de NPO en is bekend fan û.m. de tillefyzjeprogramma's Het Klokhuis, Keuringsdienst van Waarde en Waku Waku.

Sosha Duysker
tillefyzje- en/of radiopersoanlikheid
persoanlike bysûnderheden
echte namme	Sosha Duysker
nasjonaliteit	Nederlânsk
berne	4 septimber 1991
berteplak	Amstelfean (Noard-Hollân)
etnisiteit	Surinaamsk-Kreoalsk
wurkpaad
wurksum as	presintatrise, ferslachjouster, redaktrise, aktrise
medium	tillefyzje
wurksum by	NPO
bekend fan	Het Klokhuis Keuringsdienst van Waarde Waku Waku
jierren aktyf	2016 – no
offisjele webside
Sosha Duysker yn 'e IMDb

Libben en karriêre

Jonkheid en oplieding

Duysker waard yn 1991 berne yn Amstelfean, as de dochter fan âldelju dy't fan Surinaamsk-Kreoalsk etnysk komôf wiene. Nei't se de middelbere skoalle trochrûn hie, studearre se media, ynformaasje en kommunikaasje oan 'e Hegeskoalle fan Amsterdam.

Karriêre

Nei it ôfrûnjen fan har stúdzje fûn Duyske wurk as redaktrise by Zapp Kids Top 20, in berneprogramma fan 'e Nederlânske Publike Omrop. Yn 2016 waard se ien fan 'e fêste presintators fan in oare berneprogramma: Het Klokhuis fan 'e NTR, dêr't se oant 2021 oan ferbûn bliuwe soe. Dêrnjonken die se by de NTR fan 2018 oant 2020 ek de presintaasje fan it programma De Buitendienst. Fierders wurke se fan 2017 ôf ek as aktrise yn 'e jeugdsearjes Zappmissie en Zapp Detective. Yn 2018 spriek Duysker as stimaktrise by de Nederlânsktalige neisyngronisearring de rol fan 'e nijslêzeresse yn 'e Disney-tekenfilm Ralph Breaks the Internet yn.

Yn 2020 presintearre Duysker op it Nederlânsk Filmfestival foar BNNVARA de útrikkingsseremoanje fan 'e Gouden Keallen, de wichtichste Nederlânske filmprizen. Datselde jiers wûn hja de Philip Bloemendal Priis foar it grutste sjoernalistike presintaasjetalint. Dy bekroaning fan har wurk krige se mei, troch har presintaasje fan in eigen fideo op Instagram, wêryn't se stelling naam tsjin rasisme en har stânpunt yn it maatskiplik debat oer Swarte Pyt taljochte. Yn 2021 sleat Duysker in eksklusyf kontrakt mei de KRO-NCRV, en waard se ien fan 'e fêste gesichten fan it ûndersykssjoernalistike programma Keuringsdienst van Waarde. Sûnt oktober 2022 docht se ek de presintaasje fan Waku Waku. Dy tillefyzjekwis út 'e 1990-er jierren oer bisten waard werombrocht op 'e tillefyzje; diskear lykwols net foar folwoeksenen, mar foar bern.

Filmografy

Filmografy as presintatrise, ferslachjouster, aktrise, dielnimster, ensfh.
jier	titel	rol of funksje	opmerkings
tillefyzje
2016–2021	Het Klokhuis	presintatrise
2017	Zapp Skills	presintatrise
2017	Kerstster van het Jaar	presintatrise
2017–2021	Zappmissie	aktrise, ferskate rollen
2017–2021	Zapp Detective	aktrise, ferskate rollen
2018–2019	Binge	presintatrise
2018–2020	De Buitendienst	presintatrise
2019	Wat Kijk Je Nou?	presintatrise
2019–2020	Zapplive Checkt	presintatrise
2020	M	n.f.t.	te gast
2020	Zapplive Extra	presintatrise
2020	De Nationale Schooltoets	presintatrise
2020	Het Gouden Kalveren Gala	presintatrise
2020	Serious Request: The Lifeline	presintatrise
2021	De Slimste Mens	n.f.t.	dielnimster oan in tillefyzjekwis
2021	Zondag met Lubach	n.f.t.	sjongster yn clip oer Nieuwsuur
2021	Opstand op de Neptunus	presintatrise
2021	Stereotypisch	presintatrise
2021–2022	Atlas	ferslachjouster
2022	The Passion 2022	ferslachjouster
2022–no	Keuringsdienst van Waarde	presintatrise/ferslachjouster
2022–no	Waku Waku	presintatrise
2023	Fake It Till You Make It	presintatrise	ûnderdiel fan Het Klokhuis
2023	Weet Ik Veel	n.f.t.	dielnimster oan in tillefyzjekwis
2023	Ik Hou van Holland	n.f.t.	dielnimster oan in tillefyzjeshow
films
2018	Ralph Breaks the Internet	nijslêzeresse	as stimaktrise yn 'e Nederlânsktalige neisyngronisearring

Keppelings om utens

• (in) Folsleine filmografy fan Sosha Duysker yn 'e Internet Movie Database (IMDb)

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: Bronnen, noten en/of referenties, op dizze side.