Wyns (Tytsjerksteradiel)

Wyns is in doarp oan de Dokkumer Ie en De Moark yn it noardwesten fan de gemeente Tytsjerksteradiel. De buorskippen Bartlehiem en Tergrêft (foar in part) falle ûnder Wyns.

Wyns
Fitustsjerke
Emblemen
Polityk
Lân	Nederlân
Provinsje	Fryslân
Gemeente	Tytsjerksteradiel
Sifers
Ynwennertal	250 (1 jannewaris 2023)
Oerflak	7,74 km², wêrfan: - lân: 7,56 km² - wetter: 0,18 km²
Befolkingsticht.	33 ynw./km²
Oar
Tiidsône	UTC +1
Simmertiid	UTC +2
Koördinaten	53° 15' N 5° 49' E
Doarpsgebiet Wyns (grien) yn 'e gemeente Tytsjerksteradiel
Kaart

Wyns hat 250 (1 jannewaris 2023) ynwenners.

Skiednis

De delsetting Weninge waard yn 949 foar it earst neamd yn it register fan abt Hadamar fan it Dútske kleaster Fulda. De oan de hillige Fitus wijde tsjerke datearret út likernôch 1200. Wyns wie yn de midsiuwen in foaroansteand plak trochdat der rjocht sprutsen waard foar Eastergoa. Ek de grytmannen kamen wol gear yn it tsjerkje.

Mienskip

De doarpskrante hjit 'De Wynzer Krante', De Fitustsjerke is tsjintwurdich it multyfunksjonele sintrum fan it doarp.

Tsjerke

De Wikipedy hat ek in side Sint-Fitustsjerke (Wyns).

• PKN-gemeente Trynwâlden

Skoalle

De iepenbiere basisskoalle fan Wyns waard yn 2008 sletten. Op it lêst hie de skoalle noch mar 12 bern.

Befolkingsferrin

Jier	1954	1959	1964	1969	1973	2006	2015	2020
Ynwenners	184	178	164	143	149	190	220	225

Ferskaat

• By Wyns is in oerset oer de Ie.
• Op it eardere skoalplein stiet in keunstwurk út 1979 fan David van Kampen dat de skiednis fan it doarp útbyldet.
• Noardeast fan it doarp stiet de Wynzermûne út 1871.

Strjitten

It doarp hat fierder gjin strjitnammen, allinne nûmers.

Sjoch ek

• Fryske doarpen

Ofbylden

• 
  Dokkumer Ie by Wyns
• 
  Oerset
• 
  Keunstwurk

Keppeling om utens

• Wynzer tsjerkje

Boarnen, noaten en referinsjes

Boarnen, noaten en/as referinsjes:

Webstee fan Wyns Wikiwurdboek-side - Wyns (Tytsjerksteradiel) Commons Wikimedia Commons  Ofbylden dy't by dit ûnderwerp hearre, binne te finen yn de kategory Wyns fan Wikimedia Commons.