Feanwâldsterwâl

Feanwâldsterwâl
Flagge fan Feanwâldsterwâl Wapen fan Feanwâldsterwâl
Flagge Wapen
Lokaasje fan Feanwâldsterwâl
Gemeente Flag of Dantumadeel.svg Dantumadiel
Tytsjerksteradiel flag.svg Tytsjerksteradiel
Ynwennertal (2006) 400
Webstee Webstee Feanwâldsterwâl (argyf)

Feanwâldsterwâl is sûnt 1 jannewaris 2011 foar wat it part yn de gemeente Dantumadiel oanbelanget in doarp. Sûnt 14 july 2011 is ek foar it part yn de gemeente Tytsjerksteradiel de doarpsstatus in feit. Salang't Feanwâldsterwâl net troch weryndieling yn ien gemeente komt te lizzen, is it tal adressen oan beide kanten lytser as de hûndert dy't nedich binne foar in eigen postkoade. Feanwâldsterwâl leit fan Feanwâlden út besjoen oer it spoar yn súdwestlike rjochting.

Der wenje sawat 400 ynwenners (2006). It doarpke wie eartiids in feankoloanje, mooglik fan menisten út Giteren. Dat soe ferklearje wêrom't der oant 1865 net allinnich in lytse minnistetsjerke wie, mar ek de sfear wat tinken die oan Giteren. Der wienen in soad brêgen en brechjes foar de huzen, dy't de ienige ferbining mei de dyk wienen.

Yn de santiger jierren wie der yn Feanwâldsterwâl in FLB ljeppersplak.

Boarnen, noaten en referinsjesBewurkje

Boarnen, noaten en/as referinsjes: