Feanwâldsterwâl

Feanwâldsterwâl (pleatslik ek: De Wâl) is in doarp dat yn de gemeenten Dantumadiel en Tytsjerksteradiel leit. Yn 2020 hie Feanwâldsterwâl 420 ynwenners. De doarpskearn fan Feanwâldsterwâl leit om De Wâl en De Streek.

Feanwâldsterwâl
Pleats oan 'e Wâl
Flagge	Wapen
Polityk
Lân	Nederlân
Provinsje	Fryslân
Gemeente	Dantumadiel Tytsjerksteradiel
Sifers
Ynwennertal	420 (2020)
Oar
Tiidsône	UTC +1
Simmertiid	UTC +2
Koördinaten	53° 13' N 5° 58' E
Webside	Webstee Feanwâldsterwâl (argyf)

Sûnt 2011 is Feanwâldsterwâl in selsstannich doarp. Feanwâldsterwâl hat gjin eigen postkoade dus heart it noch hieltyd by Feanwâlden en Hurdegaryp.

Untstean

Sûnt 1 jannewaris 2011 is it diel fan it plak dat yn de gemeente Dantumadiel leit offisjeel in doarp. Sûnt 14 july 2011 jildt dat ek foar it part yn de gemeente Tytsjerksteradiel. Foar dy tiid foel it Dantumadielster diel offisjeel ûnder Feanwâlden en it Tytsjerksteradielster diel ûnder Hurdegaryp. Salang't Feanwâldsterwâl net troch weryndieling yn ien gemeente komt te lizzen, is it tal adressen oan beide kanten lytser as de hûndert dy't nedich binne foar in eigen postkoade. Feanwâldsterwâl leit fan Feanwâlden út besjoen oer it spoar yn súdwestlike rjochting.

It doarpke wie eartiids in feankoloanje, mooglik fan menisten út Giteren. Dat soe ferklearje wêrom't der oant 1865 net allinnich in lytse minnistetsjerke wie, mar ek de sfear wat tinken die oan Giteren. Der wiene in soad brêgen en brechjes foar de huzen, dy't de ienige ferbining mei de dyk wienen.

Yn jierren 1970 wie der yn Feanwâldsterwâl in ljeppersplak fan it FLB.

• 
  Ferboude winkelheakpleats oan De Wâl
• 
  De Wâl 22
• 
  Wâldhûske oan De Streek
• 
  Plaknammeboerd Tytsjerksteradiel
• 
  Plaknammeboerd Dantumadiel

Boarnen, noaten en referinsjes

Boarnen, noaten en/as referinsjes:

Webstee Feanwâldsterwâl Commons Wikimedia Commons  Ofbylden dy't by dit ûnderwerp hearre, binne te finen yn de kategory Feanwâldsterwâl fan Wikimedia Commons.