Ammerland

Ammerland (Ammerlân) is in lânkring yn it Dútske bûnslân Nedersaksen. Bysûnder wie dat der oant de ferliening fan 'e stedsstatus oan it haadplak Westerstede op 28 maaie 1977 gjin inkeld plak yn 'e lânkring de status fan stêd hie.

Ammerlân
wapen
Statistyk
Ynwennertal	128.253 (2022)
Oerflak	730,64 km²
Polityk
Lân	Dútslân
Dielsteat	Nedersaksen
Oar
Adres bestjoer	Ammerlandallee 12 26655 Westerstede
Koördinaten	53° 13' N 8° 0' E
Oprjochting	1933
Yndieling	6 gemeenten
Kenteken	WST
NUTS-koade	DE946
Kreiskaai	03 4 51
Webside	ammerland.de

Geografy

Lang bleau in grut diel fan it Ammerlân isolearre as in eilân yn in see fan ûnbegeanber heechfean. Ek no is fral it easten en suden noch in wiidsk lânskip, beammen binne der net in soad. Wynmûnen ûnderbrieken it flakke lânskip en fan 'e 47 mûnen oan it begjin fan 'e 20e iuw binne der hjoeddedei noch njoggen bewarre bleaun. It grutste diel fan it lân wurdt tsjinwurdich brûkt as greide. De geastgrûnen fan it Ammerlân dêrfoaroer binne tradisjoneel in mingeling fan lytse boskjes, ikkers en hagen en hawwe de skaaimerken fan in parklânskip.

De lânkring Ammerlân grinzget fanút it noarden mei de klok mei oan 'e lânkringen Fryslân, Wesermarsch, de selsstannige stêd Aldenburch en de lânkringen Oldenburg, Kloppenburch en Lier.

Alhoewol't de Noardseekust sa'n 40 kilometer fierderop leit, wurdt it westlike diel fan Ammerland noch beynfloede troch it tij. De rivieren Leda en Jümme ferbine it Ammerlân mei de Iems en sadwaande yndirekt mei de Noardsee.

Skiednis

It Ammerlân waard foar it earst yn 'e 10e iuw neamd. Oannommen wurdt dat de namme is ôflaat fan ameri, dat sompe betsjut. Yn 'e tiid dat de Wytsings binnenfoelen waarden der lytse, ringfoarmige kastielen boud om de delsettings te beskermjen.

Foar in lange tiid wie der net in soad ynteresse yn 'e sompige regio. Yn 'e 14e iuw waard it ûnderdiel fan it greefskip Aldenburch. De greven lieten bolwurken yn 'e krite bouwe, dy't de grins foarmen mei de Friezen.

De lânkring Ammerlân waard yn 1933 stifte en folget rûchwei de grinzen fan 'e histoaryske regio.

Bestjoerlike yndieling

De lânkring is ûnder te ferdielen yn seis Einheitsgemeinden (ienheidsgemeenten). Dêrmei is de lânkring Ammerland ien fan 'e lânkringen mei de minste gemeenten fan it lân. De iennige stêd is (sûnt 1977) it haadplak Westerstede.

Gemeenten fan de lânkring Ammerlân.

Stêd	Gemeenten
Westerstede	Apen Bad Zwischenahn Edewecht Rastede Wiefelstede

Keppeling om utens

• Toeristyske side fan Ammerlân

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: de:Landkreis Ammerland. Commons Wikimedia Commons  Ofbylden dy't by dit ûnderwerp hearre, binne te finen yn de kategory Lânkring Ammerlân fan Wikimedia Commons.

	Nedersaksen
Landkreise Aldenburch - Ammerland - Auwerk - Celle - Cuxhaven - Diepholz - Fryslân - Gifhorn - Goslar - Göttingen - Greefskip Bentheim - Hameln-Pyrmont - Regio Hannover - Harburg - Heidekreis - Helmstedt - Hildesheim - Holzminden - Iemslân - Kloppenburch - Lier - Lüchow-Dannenberg - Luneburch - Nienburg - Northeim - Osnabrück - Osterholz - Peine - Rotenburg - Schaumburg - Stade - Uelzen - Vechta - Verden - Wesermarsch - Wittmund - Wolfenbüttel
Kreisfreie Städte Aldenburch - Breunswyk - Delmenhorst - Emden - Osnabrück - Salzgitter - Wilhelmshaven - Wolfsburg
· ·