Auwerk (distrikt)

Auwerk is in distrikt (Landkreis) yn it úterste noardwesten fan East-Fryslân yn de Dútske dielsteat Nedersaksen en omfettet de populêre Waadeilannen Baltrum, Júst en Nordeneach. It grinzget oan (út it noarden wei mei de klok mei) de Noardsee, de distrikten Wittmund en Lier en it stedsdistrikt Emden.

De lizzing fan it distrikt yn Dútslân
It wapen fan it distrikt

Skiednis bewurkje seksje

Sjoch foar mear ynformaasje: Skiednis fan East-Fryslân

It hjoeddeistige distrikt Auwerk is foarme yn 1977 troch de gearfoeging fan it âlde distrikt Auwerk mei it distrikt Norden.

Bestjoerlike yndieling bewurkje seksje

Yn 2005 is yn hiel Nedersaksen in nije bestjoersstruktuur ynfierd. Dêrby is foar de gemeenten it ferskil tusken de stêden en (frije) gemeenten ferfallen. Dy wurde no oantsjutten mei ienheidsgemeenten. Dat wol sizze dat de oanbelangjende gemeente alle gemeentlike taken selsstannich útfiert. Yn it distrikt lizze twa Samtgemeinden dy fiere foar 11 Mietgliedsgemeinden (letterlik: dielnimmende gemeenten) in tal fan alle gemeentlike taken út. De dielnimmende gemeenten binne faak te lyts of te tinbefolke om alle gemeentlike taken oan te kinnen (fral finansjeel is dat in probleem). Yn de "Nederlânske" foarm is in Samtgemeinde in soarte fan mienskiplike regeling fan ynterkommunale gearwurking tusken in tal gemeenten. Yn it distrikt Auwerk leit ek ien gemeentefrij, in ûnbewenne Waadeilân.

 
Lokaasje fan it distrikt yn de dielsteat
Ieheidsgemeenten
  1. Aurich (stêd)
  2. Baltrum (eilân en gemeente)
  3. Dornum
  4. Großefehn (haadplak: Ostgroßefehn)
  5. Großheide
  6. Hinte
  7. Ihlow (haadplak: Ihlowerfehn)
  1. Júst (eilân en gemeente)
  2. Krummhörn (haadplak: Pewsum)
  3. Norden (stêd)
  4. Nordeneach (gemeente en eiland)
  5. Südbrookmerland (haadplak: Victorbur)
  6. Wiesmoor (stêd)


Samtgemeenten mei de dielnimmende gemeenten:

It haadplak fan in Samtgemeinde is markearre mei *
  1. Leezdorf
  2. Mariënhafe*
  3. Osteel
  4. Rechtsupweg
  5. Upgant-Schott
  6. Wirdum
  1. Berumbur
  2. Hage*
  3. Hagermarsch
  4. Halbemond
  5. Lütetsburg
Gemeentefrij gebiet

Polityk bewurkje seksje

Gearstalling rie bewurkje seksje

Auwerk is polityk sjoen in SPD-bolwurk. Yn it ferline hie de partij hast altiten in absolute mearderheid yn de Kreistag. By de lêste ferkiezings, yn 2006, gie dy ferlern. De Kreistag hat 58 keazen leden en in streekrjocht keazen foarsitter (Landrat). De hjoeddeistige gearstalling:

Partij Sitten
SPD 29
CDU 17
Freie Wähler Gemeinschaft 4
Bündnis 90/Die Grünen 3
FDP 2
Kreis-Freise Wähler 2
Die Linke 1

Landrat is Walter Theuerkauf fan de SPD.

Keppeling om utens bewurkje seksje

 
Nedersaksen
 
Landkreise

Aldenburch - Ammerland - Auwerk - Celle - Cuxhaven - Diepholz - Fryslân - Gifhorn - Goslar - Göttingen - Greefskip Bentheim - Hameln-Pyrmont - Regio Hannover - Harburg - Heidekreis - Helmstedt - Hildesheim - Holzminden - Iemslân - Kloppenburch - Lier - Lüchow-Dannenberg - Luneburch - Nienburg - Northeim - Osnabrück - Osterholz - Peine - Rotenburg - Schaumburg - Stade - Uelzen - Vechta - Verden - Wesermarsch - Wittmund - Wolfenbüttel

Kreisfreie Städte
Aldenburch - Breunswyk - Delmenhorst - Emden - Osnabrück - Salzgitter - Wilhelmshaven - Wolfsburg