Hardangerjøkul

De Hardangerjøkul (Noarsk foar Hardangergletsjer; ornaris werjûn mei in lidwurdlike suffiks as Hardangerjøkulen, wat "De Hardangergletsjer" betsjut) is in gletsjer oan 'e westkant fan it Skandinavysk Heechlân yn súdlik Noarwegen.

Hardangerjøkul
gletsjer
De Hardangerjøkul sjoen út Hårteigen, yn it súdwesten.
geografy
lân	Noarwegen
provinsje	Vestland
berchtme	Skandinavysk Heechlân
koördinaten	60°32′ N 7°25′″ E
sifers
oerflak	73 km²
heechste punt	1.863 m
leechste punt	1.050 m
tsjûkte	380 m
oar
type	berchgletsjer
status	ynkrimpend
gletsjertonge	morene
lânkaart
De lokaasje fan 'e Hardangerjøkul yn Noarwegen

Geografy

De Hardangerjøkul is in mânske gletsjer oan 'e westlike kant fan it Skandinavysk Heechlân, dy't yn súdlik Noarwegen leit, likernôch 5 km súdlik fan it doarp Finse, ûngefear 16 km noardeastlik fan it doarp Eidfjord en sa'n 20 km westlik fan it doarp Haugastøl. Bestjoerlik heart it gebiet fan 'e gletsjer ta de gemeenten Eidfjord en Ulvik, yn 'e provinsje Vestlandet.

It heechste punt fan 'e Hardangerjøkul.

Yn rang is de Hardangerjøkul de op fiif nei grutste gletsjer op it fêstelân fan Noarwegen (dus de Artktyske arsjipel fan Spitsbergen bûten beskôging litten). De Hardangerjøkul beslacht in oerflak fan 73 km². It heechste punt leit op 1.863 m boppe seenivo, wylst it leechste punt op 1.050 m leit. De tsjûkte fan it iis berikte by ien mjitting 380 m, mar de gletsjer is geandewei de twadde helte fan 'e tweintichste iuw en de earste desennia fan 'e ienentweintichste iuw stadichoan tinner wurden.

Tagonklikens

De Hardangerjøkul wurdt winterdeis brûkt om op te skyen. De gletsjer is yn dy jiertiid út it noarden wei maklik tagonklik út it doarp Finse. Dat hat in stasjon oan it spoar fan 'e Bergenline.

Filmlokaasje

De Hardangerjøkul waard brûkt as filmlokaasje foar de Star Wars-film Star Wars: Episode V – The Empire Strikes Back (1980). De sênes op 'e iisplaneet Hoth waarden foar in grut diel op 'e gletsjer filme, ûnder barre winterske omstannichheden. De bylden fan 'e bestoarming fan 'e basis fan it Rebelleferbûn troch de stoarmtroepers fan it Galaktysk Keizerryk yn reuseftige AT-AT-rinners waarden lykwols yn 'e studio opnommen mei miniatueren op in set dêr't de snieïge setting neibeard waard mei natriumbikarbonaat (bekender as baking soda of suveringssâlt).

Galery

• 
  de gletsjer yn 1908
• 
  de gletsjer yn 1923
• 
  de gletsjer yn 1998
• 
  de gletsjertonge

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Hardangerjøkulen fan Wikimedia Commons.