Ierkristlike en Byzantynske Monuminten fan Tessaloniki

De yn 315 stifte stêd Tessaloniki yn Grikelân groeide yn 'e tiid fan it Byzantynske Ryk út ta de op ien nei wichtichste stêd fan it Ryk. It wie ek ien fan 'e earste gebieten fan wêrút it kristendom him yn Europa fersprate. De gebouwen dy't yn Tessaloniki boud waarden hiene grutte ynfloed op 'e boukeunst yn it Byzantynske Ryk en Servje. Fan dy gebouwen binne noch in soad bewarre bleaun, wêrûnder fral tsjerken. Guon dêrfan binne boud neffens it Grykske krúsplan, oaren hawwe de foarm fan in trijeskippige basilyk.

Ierkristlike en Byzantynske Monuminten fan Tessaloniki
UNESCO-wrâlderfgoed
lân	Grikelân
UNESCO folchnûmer	456
kritearia	Kultureel (i), (ii), (iv)
ynskriuwing	1988 (sessy 12)
Webside
whc.unesco.org
UNESCO-wrâlderfgoedlist

De gebouwen fertsjintwurdigje in lang tiidrek fan 'e 4e iuw oant de 15e iuw. Yn 'e 15e iuw kaam der troch de Turkske feroveringen in ein oan it Byzantynske Ryk. De kristlike monuminten waarden fakentiden yn moskeeën feroare, wêrby't de fresko's en mozaïken yn 'e tsjerken efter lagen kalk ferdwûnen. Mei't der yn 1912 in ein oan it Turkske bewâld kaam, binne in soad tsjerken oan 'e Gryksk-Otterdokse Tsjerke werom jûn. By restauraasjes binne de fresko's foar safier dat mooglik wie wer foar it ljocht helle.

Sûnt 1988 binne de ierkristlike en Byzantynske monuminten fan 'e stêd opnommen yn it wrâlderfgoed fan UNESCO.

List fan ierkristlike en Byzantynske Monuminten fan Tessaloniki

Nûmer	Ofbyld	Namme	Boutiid	Oerflak yn ha
456-001		Stedsmuorre	4e/5e iuw
456-002		Rotonda of Sint-Joaristsjerke	4e iuw	0,587
456-003		Panagia Acheiropoietostsjerke	5e iuw	0,375
456-004		Hagios Demetrios	7e iuw	1,16
456-005		Latomos-kleaster	6e iuw	0,058
456-006		Hagia Sophia	8e iuw	0,820
456-007		Panagia Chalkeontsjerke	11e iuw	0,249
456-008		Sint-Pandeleimontsjerke	14e iuw	0,174
456-009		Aposteltsjerke	14e iuw	0,160
456-010		Hagios Nikolaos Orfanos-tsjerke	14e iuw	0,227
456-011		Sint-Katarinatsjerke	13e iuw	0,083
456-012		Transfiguraasjekapel	14e iuw	0,027
456-013		Vlatades-kleaster	14e iuw	1,16
456-014		Elíatsjerke	14e iuw	0,198
456-015		Byzantynsk badhûs	14e iuw	0,049