Katham

Katham is in buorskip yn de gemeente Edam-Volendam yn de Nederlânske provinsje Noard-Hollân, yn de krite Wetterlân. Katham is in buorskip oan 'e súdwestrâne fan it doarp Volendam en is hast alhiel omjûn troch de bebouwing fan dat doarp. De buorskip grinzget ek oan de himrik fan it doarp Katwoude.

Katham
Mûne De Kathammer
Bestjoer
Lân	Nederlân
provinsje	Noard-Hollân
gemeente	Edam-Volendam
Oar
Netnûmer	0299
Tiidsône	UTC +1
Simmertiid	UTC +2
Koördinaten	52° 30' NB, 5° 4' EL
Kaart

Skiednis

Katham waard foar it earst neamd yn 1460 yn it Diversoarium fan it kleaster Galilea Minor by Monnickendam. De namme Katham is in gearstalling fan -ham itjinge "oanslike lân yn in bocht fan in wetterrin" betsjut en kat, dat gauris foarkomt foar it earste part fan plakken tichteby it wetter, de bistenamme, in persoanenamme of in fariant fan "kaai", "ouwerwâl", "smelle lege dyk fan ierde"..

Katham hat altyd in lyts buorskip west en lei oan de seedyk tusken Volendam en Katwoude yn en bestie benammen fan de feehâlderij. Foar 1950 bestie de buorskip út trije stjelppleatsen, twa wenten mei oanboude kowestâlen en twa gewoane wenten. Nei 1980 wiene der grutte útwreidings fan Volendam yn 'e rjochting fan Katham en ûnderwilens binne alle trije pleatsen sloopt. Fan it âlde agraryske karakter fan it plak is hjoed-de-dei net folle mear werom te finen.

It besjen wurdich

Katham is ferneamd om de mûne Kathammer, in kantige muonts fan 1896, dy't yn de himrik fan Katwoude stiet en in ryksmonumint is. Ek ferneamd is it Heitje van Katham, in lyts natoergebiet dy't út in smelle stripe lân mei heechfean mei unike floara bestiet, dy't nearne oars yn Noard-Hollân foarkomt.

Keppeling om utens

• Side oer Katham

Boarnen, noaten en referinsjes

Boarnen, noaten en/as referinsjes: