Stopboerd

In stopboerd is in ferkearsboerd ornearre om it ferkear derop te wizen dat it folslein ta stilstân komme moat ear't it fierder it krúspunt oerstekke kin. Gauris stiet in stopboerd op in krusing op diken dy't foarrang oan de foarrangsdyk jouwe moatte. Yn de Feriene Steaten en Kanada komme krúspunten foar dêr't ferkear fan alle fjouwer rjochtingen (four way stop) ôf stopje moatte. Yn in soad lannen is it stopboerd yn achthoekige foarm mei wite letters mei it wurd "STOP", yn it Ingelsk of de nasjonale taal, op in reade eftergrûn. It Ferdrach fan Wenen oangeande ferkearstekens fan 1968 lit ek in alternative foarm ta: in rûne boerd mei in reade râne en in wite of giele eftergrûn mei in trijehoeke op 'e kop mei in reade râne mei de letters "STOP" yn swart of dûnkerblau. Yn in soad net-Jeropeeske lannen wurde de eigen taal brûkt, sa as bygelyks yn Súd-Amearika dêr't "PARE", Meksiko en Sintraal-Amearika, dêr't "ALTO" en Kebek yn Kanada dêr't "ARRÊT" brûkt wurde. Yn Israel wurdt in piktogram fan in hân op it boerd brûkt. Yn Japan wurdt in trijehoeke oer de kop mei in reade eftergrûn en wite lletters brûkt.