Haadmenu iepenje

Ype Baukes de Graaf (Warkum, 10 augustus 1812 - Ljouwert, 23 maart 1860) wie de lêste ta de dea feroardielde yn Fryslân

Op 12 novimber 1859 waard Ype Baukes de Graaf, in arbeider, ta de dea feroardiele foar de moard op syn eardere faam Aafke Monsma (op 3 septimber 1859) út Harns. Hy kaam ta syn died neidat er foar de tredde kear frijkaam út it tichthûs en Aafke neat mear fan him witte woe, hoewol't er twa bern by har oanset hie. Neidat se him ôfwiisd hie, slipe er syn mes en socht har yn'e iere moarn op, op'e merke dêr't Aafke sjouwurk die. Dêr spriek er har oan mei de wurden "Aafke, beraad je...". Doe't se nochris oanjoech gjin priis te stellen op syn selskip, bedielde er har mei sân deadlike stekken fan syn mes en ûntflechte de stêd. In dei letter waard er oppakt. Ut de ferhearren die bliken dat er ek noch fan doel west hie om harren bern om te bringen en himsels tekoart te dwaan.

Neidat op 12 novimber troch rjochter jhr. mr. H. M. Speelman Wobma de deastraf útsprutsen wie, waard it fûnis op 23 maart 1860 útfierd op it Wilhelminaplein yn Ljouwert. Troch ophinging kaam er oan syn ein. Hy wie de lêste yn fredestiid ta de dea feroardielde yn Fryslân.

In jier letter waard de lêste deastraf yn Nederlân útfierd. Op 18 maaie 1870 is de deastraf ôfskaft.

LiteratuerBewurkje

  • A. Hallema, Moard yn Harns op 3 septimber 1859 : Ype Baukes de Graaf: de lêste dy' t yn Fryslân ophongen waerd, 1959

Keppeling om utensBewurkje

Boarnen, noaten en referinsjesBewurkje

Boarnen, noaten en/as referinsjes: