De romantyske film is in sjenre fan films dêr’t romantyk yn sintraal stiet, ornaris yn 'e foarm fan 'e leafde tusken twa persoanen.

BeskriuwingBewurkje

De plot fan in romantyske film giet yn 'e regel mank mei hertstocht en oare sterke emoasjes, en mei de siiktocht nei de wiere leafde. Om dy te berikken moatte obstakels oerwûn wurden, dy't bestean kinne út bygelyks finansjele problemen, psychologyske swierrichheden, in sykte, diskriminaasje of famyljeleden dy't op 'e relaasje tsjin binne. Ek wurde faak spannings út it aldendeiske libben, ferlieding (of oerhoer) en eventuële problemen op it mêd fan kompatibiliteit (oft men byinoar past) yn 'e plot behelle. Oare tema's dy’t gauris beljochte wurde, binne leafde op it earste gesicht, leeftydsferskillen, platoanyske leafde, obsessive leafde, ûnbeäntwurde leafde, ferbeane leafde en destruktive leafde. Men kin romantyske films beskôgje as in foarm fan eskapisme foar it filmpublyk, benammen as de haadpersoanen úteinlik alle obstakels oerwinne en de film mei in ôfslutende pea einiget yn in happy end, wêrnei't se, lykas yn mearkes, 'noch lang en gelokkich' libje.

SubsjenresBewurkje

Romantyske dramafilmBewurkje

De romantyske dramafilm of it romantysk drama is de poerste foarm fan 'e romantyske film. Yn sokke films wurdt op earnstige wize yn byld brocht hokker obstakels oft de djippe en wiere leafde tusken twa minsken opkeare. De filmmuzyk wurdt faak brûkt om 'e gemoedstastân fan 'e haadpersoanen wer te jaan. Romantyske dramafilms hawwe lang net altyd in happy end, mar einigje ynstee net selden mei it ferstjerren fan ien fan 'e beide haadpersoanen. Foarbylden binne: An Affair to Remember (1957), Atonement (2007), The Bridges of Madison County (1995), Brokeback Mountain (2005), Casablanca (1942), Dark Victory (1939), The English Patient (1996), Last Tango in Paris (1972), Love Story (1970), Memoirs of a Geisha (2005), An Officer and a Gentleman (1982), Sommersby (1993), Titanic (1997) en The Way We Were (1973).

Histoaryske romantyske filmBewurkje

De histoaryske romantyske film is yn prinsipe itselde as de romantyske dramafilm, mar it ferhaal is yn sokke films tsjin in histoaryske eftergrûn pleatst. Foarbylden binne: Doctor Zhivago (1965), Gone with the Wind (1939), Sommersby (1993), Titanic (1997) en Wuthering Heights (1939).

ChickflickBewurkje

De chickflick is in subsjenre fan 'e romantyske film dat rjochte is op in froulike doelgroep. Hoewol't in protte oare romantyske films ek op in yn haadsaak froulik publyk rjochte binne, is dat ornaris net it wichtichste skaaimerk fan sa'n film. Boppedat is it sa dat in chickflick net needsaaklikerwize in romantyske film hoe't te wêzen. Foarbylden fan (romantyske) chickflicks binne: Dear John (2010), Dirty Dancing (1987), The Notebook (2004), Romeo + Juliet (1996), Sleepless in Seattle (1993) en A Walk to Remember (2002).

Romantyske aksjefilmBewurkje

De romantyske aksjefilm kombinearret romantyk mei it aksjesjenre. Foarbylden binne: The Bounty Hunter (2010), Killers (2010), Knight and Day (2010), Mr. and Mrs. Smith (2005) en This Means War (2012).

Romantyske fantasyfilmBewurkje

De romantyske fantasyfilm kombinearret romantyk mei fantasy. In foarbylden binne: The Adjustment Bureau (2011), Ghost (1990) en Der Himmel über Berlin (1988).

Romantyske komeedzjeBewurkje

De romantyske komeedzje of romcom is in subsjenre fan 'e romantyske film dat romantyk kombinearret mei komeedzje. Sokke films hawwe in lichthertige, fermaaklike plot en geane der yn 'e regel fan út dat wiere leafde alles oerwinne kin. Sadwaande einigje romantyske komeedzjes hast altyd mei in happy end. Foarbylden fan sokke films binne: 50 First Dates (2004), Annie Hall (1977), As Good as It Gets (1997), Four Weddings and a Funeral (1994), Harold and Maude (1971), Love Actually (2003), Maid in Manhattan (2002), Moonstruck (1987), Notting Hill (1999) en When Harry Met Sally... (1989).

Romantyske filmmusicalBewurkje

De romantyske filmmusical is in romantyske film yn 'e foarm fan in musical, wêrby't it ferhaal dus út en troch ûnderbrutsen wurdt mei muzyk en dûns. Sokke films kinne romantyske dramafilms wêze, lykas: The Sound of Music (1965) en West Side Story (1961), mar ek romantyske komeedzjes, lykas Lady and the Tramp (1955) en Grease (1978).

Romantyske science fiction-filmBewurkje

De romantyske science fiction-film kombinearret romantyk mei science fiction. In foarbylden binne Eternal Sunshine of the Spotless Mind (2004) en Passengers (2016).

Romantyske skrillerBewurkje

De romantyske skriller of romantyske thriller kombinearret romantyk mei it skrillersjenre. Foarbylden binne: The Adjustment Bureau (2011), The Bodyguard (1992), The Phantom of the Opera (2004), The Tourist (2010), Unfaithful (2002) en Wicker Park (2004).

Boarnen, noaten en referinsjesBewurkje

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.