Zwijndrecht (Nederlân)
Zwijndrecht is in plak en gemeente yn de Nederlânske provinsje Súd-Hollân.
De gemeente hat 46.654 ynwenners (1 jannewaris 2019) en hat in oerflak fan 22,77 km², dêrfan is 2,35 km² wetter. Sûnt 2003 makket ek de eardere gemeente Heerjansdam diel út fan de gemeente Zwijndrecht. Zwijndrecht wurket gear mei inkele buorgemeenten yn it regioferbân Drechtstêden.
Zwijndrecht leit yn de Zwijndrechtse Waard (in diel fan it eilân Iselmonde) en grinzet oan de gemeenten Barendrecht, Ridderkerk en Hendrik-Ido-Ambacht en oan de rivieren Noard en Alde Maas. It bekende 'Trijerivierepunt', it drokst befarde punt fan Nederlân, leit by Zwijndrecht. De rivieren Noard, Alde Maas en Beneden-Merwede komme hjir by elkoar.
Swin en drechtBewurkje
De namme Zwijndrecht is in gearfoeging fan it West-Frankyske wurd 'suin' (swin, swyn) en it wurd 'drecht' dat net fan it Latynske trajectum ôflaat is, mar fan it West-Nederfrankyske 'drift fan de rivier'. Swin komt fan 'swinen' en kin oersetten wurde as it weirinnen fan wetter of as it ôfnimmen fan djipte by eb. Drecht betsjut oerstekplak, oerhaal of fear. Zwijndrecht betsjut dus einlik ‘tijgeul dêr’t oerstutsen wurde kin'. Dy útlis docht fermoeden dat Zwijndrecht earder by leech wetter oan Doardt fêst siet, by leech wetter wiene beide delsettings skaat. In sitewaasje dy’t fan foar de 12e iuw wêze soe. Dy sitewaasje soe bestien hawwe oat de Sint-Elisabethsfloed yn 1421. De lyksaneamde Flaamske gemeente Zwijndrecht hat deselde lizzing fandatoangeande mei Antwerpen.
De namme Zwijndrecht gou earst foar de heule Zwijndrechtse Waard, dy’t begrinze waard troch de rivieren de Pelster, de Noard, de Alde Maas en it Waaltsje, tusken Heerjansdam en Oostendam. Bewenners fan dat gebiet moatte al yn de hege midsiuwen (900 - 1300) harren lân foar in part bedike ha, as beskerming tsjin de mannichfâldige oerstreamings.
| Boarnen, noaten en/as referinsjes: |
| |
|---|---|
| Alblasserdam - Albrandswaard - Alfen oan de Ryn - Barendrecht - Boadegraven-Reeuwijk - Brielle - Capelle oan de Isel - Delft - Doardt - Flaardingen - Gorkum - Goeree-Oerflakkee - Gouda - De Haach (haadstêd) - Hardinxveld-Giessendam - Hellefuotslûs - Hendrik-Ido-Ambacht - Hillegom - Hoekske Waard - Kaag en Braassem - Katwyk - Krimpen oan de Isel - Krimpenerwaard - Lansingerlân - Leiderdorp - Leien - Leidskendam-Foarburch - Lisse - Maasslûs - Midden-Delflân - Molelannen - Nieuwkoop - Nissewaard - Noardwyk - Oegstgeest - Papendrecht - Pijnacker-Nootdorp - Ridderkerk - Rijswijk - Rotterdam - Skiedam - Sliedrecht - Teylingen - Voorschoten - Waddinxveen - Wassenaar - Westfoarne - Westlân - Zoetermeer - Zoeterwoude - Zuidplas - Zwijndrecht | |