Teridzert

Teridzert is in doarp yn de gemeente Weststellingwerf, noardeast fan Wolvegea.

Teridzert
Emblemen
Sifers
Ynwennertal	325 (1 jannewaris 2022)
Oerflak	8,42 km², wêrfan: - lân: 8,33 km² - wetter: 0,08 km²
Befolkingsticht.	39 ynw. / km²
Polityk
Lân	Nederlân
Provinsje	Fryslân
Gemeente	Weststellingwerf
Oar
Postkoade	8476
Tiidsône	UTC +1
Simmertiid	UTC +2
Koördinaten	52° 54' N 6° 2' E
Lokaasje Teridzert (grien) yn de gemeente Weststellingwerf
Offisjele webside
ter-idzard.nl
Kaart

It doarp 325 (1 jannewaris 2022) ynwenners.

Skiednis

Men wol der op oan dat Teridzert al om 1100 hinne in folweardich doarp wie. Der soe doe al in ienfâldich tsjerkje of kapel west ha foar likernôch 150 oant 200 parochianen. Foar it bouwen fan in eigen tsjerke wienen fanâlds 10 hiemen genôch om in tsjerke te stiftsjen. Yn wat lettere tiid wurdt skreaun dat der 30 hiemen yn it doarp binne. De namme 'Ydzerde' waard yn 1320 foar it earst neamd, doe't de biskop fan it bisdom Utert in fanwegen wanhearrigens ynfierde ban út 1309 op Stellingwerfske doarpen ophefte.

Idzerdastins

Teridzert hat op it eastein ea in stins hân, de Idzerdastins. Op dat plak stiet no in pleats. It wie in mânsk gebou út de twadde helte fan 1400. Hayo Meines hie dy stins bouwe litten en naam de namme Idsaerda oan. Yn 'e oan Bonifatius wijde tsjerke binne trije epitafen of roubuorden fan de famylje Idzerda. Ek binne dêr ferskate leden fan de famylje Terwisscha begroeven. Op ien fan de sarken stiet ek harren famyljewapen. Leden fan 'e Swarte Heap baarnden de stins om 1500 hinne ôf, mar Baerte fan Idzarda liet de stins wer opbouwe.

Healwei de 19e iuw waard der lykas ek yn de oanbuorjende doarpen Alde- en Nijeholtwâlde folop turf groeven. Nij de feanôfgraving waard it lân geskikt makke foar agraysk gebrûk. De feanpolder waard oprjochte, dy't bemealle waard troch wettermûnen, dy't yn 1900 ferfongen waard troch in steamgemaal.

Nei goed 40 jier waard yn 2010 de tsjerke yn Teridzert wer yn gebrûk naam. Nei jierren fan restaurearjen wie it gebou wer goed genôch om aktiviteiten yn te organisearjen. Sneinske tsjerketsjinsten wurde der net mear hâlden, mar wol binne dêr rou- en troutsjinsten. Ek wurde der konserten en toaniel-foarstellings yn 'e tsjerke organisearre.

Mienskip

Teridzert docht in soad yn 'e mande mei de doarpen Aldeholtwâlde en Nijeholtwâlde. It doarpshûs De Bult yn Teridzert is in mienskiplik doarpshûs. Ek is der in mienskiplike hiemside en wurde der aktiviteiten mei de oare twa doarpen dield. De feriening Pleatslik Belang is ek mienskiplik en bestiet sûnt 1912. It doarpskrantsje hjit 't Kontakt.

Tsjerke

Bonifatiustsjerke

De Wikipedy hat ek in side Bonifatiustsjerke (Teridzert).

• PKN Ter Holten

Skoalle

De bern geane meast nei basisskoalle De Striepe yn Aldeholtpea.

Ferienings

• Iisklub De Twa Doarpen
• Toanielferiening De Vriendenkring
• Follybalferiening De Woldvolleyers
• Koar De Drie Dorpen
• Kuorbalferiening SCO

(De list is yn 2023 bywurke mei help fan û.o. de doarpsside. Sjoch foar de meast aktuele ynformaasje oer ferienings op de hiemside fan 'e doarpen)

Befolkingsferrin

Jier	1840	2007	2012	2015	2020
Ynwenners	446	319	303	292	320

(Boarnen: 1840: Plaatsengids; 2015 en 2020: Alle Cijfers)

Evenemint(en)

• Boeretrekkertrek

Strjitten

Boskpaad, Hamerswei, Idzardawei, Otterswei, Ruskemadenwei, Slingerwei, Vriesburgerwei.

Sjoch ek

• Fryske doarpen.

Boarnen, noaten en referinsjes

Boarnen, noaten en/as referinsjes:

Idzerdastins Webstee fan it doarp Commons Wikimedia Commons  Ofbylden dy't by dit ûnderwerp hearre, binne te finen yn de kategory Teridzert fan Wikimedia Commons.