Skerpenseel (Fryslân)

Skerpenseel (Fryslân)
gemeente	Weststellingwerf
Gritenij	{{{gritenij}}}
Stimmen	31
Ynwenners (2007)	449
Huzen	183
Koördinaten	52° 50' NB, 5° 52' EL
Netnûmer	0561
Postkoade	8483
Webstee	www.groteveenpolder.nl

Skerpenseel is in doarp yn de gemeente Weststellingwerf, súdwest fan de Rottige Meente. It doarp hat likernôch 420 ynwenners (2008). It leit súdwest fan Wolvegea, tusken Wolvegea en De Kúnder.

Monumint Stuyvesant by Skerpenseel

Protestantske tsjerke

Skiednis

Al om 1100 hinne wennen minsken yn de krite dy't no de Grutte Feanpolder neamd wurdt, mar pas yn de midsiuwen kaam de bewenning echt op gong. Der waarden wenten, sis mar hutsjes boud, meastentiids yn tropkes by elkoar. Sa ûntstienen de doarpen yn de Grutte Feanpolder: Munnikebuorren, Skerpenseel, Spangea en letter De Langelille en Nijetrine. Tusken dy doarpen wienen ek ferbiningswegen. Dat wie earst in soarte karrespoar (it Fuotpaad). It wie in saneamde 'Binnenwei'. Doe't it ferlet oan mear en bettere ferfiersmooglikheden groeide, waarden uk 'Bûtenwegen' oanlein. Dy wienen breder en weinen mei hynders der foar koenen der gebrûk fan meitsje. Sa ûntstie bygelyks de Grindwei.

Skerpenseel is it sintrale doarp fan de Grutte Feanpolder, der binne noch ferskate winkels: in supermerk, bakker en warenhûs. Der is ek in brânwarkazerne yn it doarp dy't de Grutte Feanpolder as wurkgebiet hat en dêrneist geregeld de brânwar fan Wolvegea helpe moat by brannen yn Wolvegea.

Mienskip

It doarp hat in feriening foar Pleatslik Belang.

Ferienings

De fuotbalklub fan Skerpenseel is de op 29 febrewaris 1932 oprjchte club V.V. De Westhoek. De thúshaven fan De Westhoek is tsjintwurdich it sportkompleks It Scheenefjild en de Skeakel, fêstige yn Munnikebuorren. De akkommodaasje moat dield wurde mei fuotbalclub V.O.G.

Bekende ynwenners

• Peter Stuyvesant, de stifter/oprjochter fan Nij Amsterdam (no New York), is hjir grutbrocht. Oer syn berteplak binne ferskillende ferhalen, wêrûnder dat hy berne wêze soe yn Skerpenseel.
• Dewi Pechler, earder Idols finaliste, is opgroeid yn Skerpenseel en wenne by de opnames fan it programma yn Skerpenseel.

Befolking

• 1954 - 573
• 1959 - 528
• 1964 - 444
• 1969 - 421
• 1974 - 370
• 2007 - 449
• 2009 - 439

Strjitten

De Kragge, De Ribbe, Fuotpaad, Gracht, Grindwei, Nijewei, Seedyk.

Iepenbier ferfier

• Busline 76 (Connexxion) Stienwyk - Marknesse/Emmeloard * Buertbus 108 (Qbuzz) fan en nei Wolvegea.

Sjoch ek

• Fryske doarpen.
• Skerpenseel yn de provinsje Gelderlân.

Boarnen, noaten en referinsjes

Boarnen, noaten en/as referinsjes:

Oer de skiednis fan Skerpenseel Oer Skerpenseel Webstee oer de Grutte Feanpolder